Gujarati News

Gujarati News

News of Friday, 30th October 2020

બસ સ્ટેશન પાછળ હોટેલના રૂમમાં અમદાવાદના યુવાનનો આપઘાત

બે દિવસથી રૂમ બંધ હતોઃ ૨૪મીએ હોટેલમાં આવ્યો હતોઃ એકાદ માસથી ઘરેથી નીકળી ગયો હતોઃ કારણ જાણવા તપાસ યથાવત

રાજકોટ તા. ૩૦: અમદાવાદ વિરબાબા પાર્ક જગતપુર રોડ પર રહેતાં અને એક મહિનાથી ઘરેથી નીકળી ગયા બાદ ગત તા. ૨૪/૧૦થી રાજકોટ બસ સ્ટેશન પાછળ આવેલી હોટેલ સીટી પેલેસમાં રૂમ નં. ૧૦૧માં રોકાયેલા યુવાને ગળાફાંસો ખાઇ આપઘાત કરી લેતાં અરેરાટી વ્યાપી ગઇ છે.

બે દિવસથી રૂમનો દરવાજો ખુલ્યો ન હોઇ અને અંદરથી વાસ આવતી હોઇ હોટેલ દ્વારા પોલીસને જાણ કરવામાં આવતાં એ-ડિવીઝનના રવિભાઇ વાઘેલા સહિતે પહોંચી દરવાજો તોડીને જોતાં યુવાન લટકતો મળી આવ્યો હતો. હોટેલના રજીસ્ટરમાં પુનિત મહાદેવભાઇ પંચાલ (ઉ.વ.૨૫)ના નામની એન્ટ્રી છે. આ યુવાનના ખિસ્સામાંથી આધારકાર્ડ મળ્યું હોઇ તેના આધારે પરિવારજનોનો પણ સંપર્ક કરી પોલીસે જાણ કરી છે. સ્વજનો આવ્યા બાદ કારણ જાણવા મળશે.

(3:50 pm IST)
  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST