Gujarati News

રાજકોટ : ઓશોના સુત્ર ''ઉત્સવ આમાર જાતિ આનંદ આમાર ગોૈત્ર'' ને સાર્થક કરતા વિવિધ કાર્યક્રમો જેવા કે ઓશો ધ્યાન શિબિરો, ઓશો સાહિત્ય પ્રદર્શનો, ઓશો સન્યાસ ઉત્સવ, ભજન-કિર્તન, ગીત-સંગીત વિવિધ સંપ્રદાયોના ઉત્સવો, વિશ્વ દિવસ વગેરે છેલ્લા ૩૩ વર્ષોથી રાત અને દિવસ ૨૪ કલાક ખુલ્લુ રહેતું વિશ્વનું એક માત્ર ઓશો સત્ય પ્રકાશ ધ્યાન મંદિર પર અવાર-નવાર ઉજવવામાં આવે છે.

આગામી તા. ૩ ને સોમવારે જન્માષ્ટમી તથા શ્રાવણ માસના સોમવાર નિમિતે જન્માષ્ટમી ઉત્સવ, શિવતાંડવ ધ્યાન, સંધ્યા ધ્યન તથા ઓમ ધ્યાનના કાર્યક્રમનું આયોજન સાંજના ૬ થી ૮.૩૦ રાખવામાં આવ્યું છે. બીજો કાર્યક્રમ તા. પ ને બુધવારના રોજ શિક્ષક દિવસ નિમિતે સાંજના ૬ થી ૮ ઓશો સન્યાસી તથા પ્રેમી શિક્ષકોનો સન્માન તથા બહુમાન સમારોહ તથા સંધ્યા ધ્યાન તથા પ્રસાદના કાર્યક્રમનું આયોજન કરવામાં આવ્યું છે.

સ્થળઃ ઓશો સત્ય પ્રકાશ ધ્યાન મંદિર, ગોંડલ રોડ, વિવેકાનંદ ઓવરબ્રિજ પાસે, ૪ વૈદવાડી, રાજકોટ.

ઉપરાંત જન્માષ્ટમી તથા શિક્ષક દિવસના કાર્યક્રમમાં સહભાગી થવા ઓશો સન્યાસી  સ્વામિ સત્ય પ્રકાશ, પુર્વિદીદી તથા ઓશો ઇનર સર્કલે અનુરોધ કરેલ છે.

વિશેષ માહિતી :- સ્વામિ સત્ય પ્રકાશ મોઃ ૯૪૨૭૨ ૫૪૨૭૬, મીસ્ત્રી નિતિનભાઇ મોઃ ૯૯૨૪૨ ૩૪૦૯૬