Gujarati News

રાજકોટ તા. ૩૦ : કોરોનોનું સંક્રમણ ફેલાય ન તે માટે રાજકોટ (બેડી) માર્કેટયાર્ડ ૧ થી ૧પ ઓગષ્ટ સુધી બંધ રાખવાનું અગાઉ નકકી કરાયા બાદ ખેડુતો અને મજુરોના હિતમાં આ નિર્ણયમાં ફેરફાર કરી હવે ૧૦ થી ૧પ ઓગષ્ટ સુધી બંધ રાખવાનું જાહેર કરાયું છે.

રાજકોટ યાર્ડના ચેરમેન ડી.કે.સખીયાએ જણાવ્યું હતું કે, બેડીયાર્ડ કોરોનાનો કેસ નોંધાયો હોય તકેદારીના પગલારૂપે અગાઉ ૧ થી ૧પ ઓગષ્ટ સુધી રાજકોટ યાર્ડ (બેડી) બંધ રાખવાનું નકકી કરાયું હતું. પરંતુ સાતમ-આઠમના તહેવારો તહેવારો આવતા હોય તહેવારો પૂર્વેે ખેડુતો તેનો માલ વેચી શકે તેમજ તહેવારો પૂર્વે મજુરોને પણ રોજગારી મળી રહે તે હેતુથી આ નિર્ણયમાં ફેરફાર કરી હવે રાજકોટ યાર્ડ (બેડી) તા.૧૦ થી ૧પ ઓગષ્ટ સુધી બંધ રહેશે.

અત્રે એ નોંધનીય છે કે અગાઉ રાજકોટ યાર્ડમાં લાંબી હડતાલ અને ત્યારબાદ લોકડાઉન આવતા ખેડુતો તેનો માલ વેચી શકયા ન હતા.