Gujarati News

Gujarati News

News of Sunday, 29th November 2020

મ.ન.પા. કોરોનાના આંકડા છુપાવતી હોવાનું છતુ ? : ૩૫૦ના ૩૫ થઇ ગયા

સાચું હોય તો શરમજનક : કોવિડ કન્ટ્રોલના ડેશ બોર્ડ પર થોડીવાર માટે ૩૫૦ કેસ દેખાયા પછી ડીલીટ : સાચા આંકડાની કાચી ચિઠ્ઠીનો વહીવટ માત્ર 'આકાઓ' પાસે જ

રાજકોટ તા. ૨૮ : શહેરમાં કોરોનાના કેસનું પ્રમાણ ઓછું દર્શાવાતુ હોવાનું અવાર-નવાર લોકમુખે ચર્ચાતુ હોય છે ત્યારે આ બાબતને સમર્થન આપતી ઘટના બની હતી. જેમાં ગઇકાલના કોરોનાના કુલ ૩૫૦ કેસનો આંક થોડીવાર પછી ૩૫માં ફેરવાઇ ગયાનું મ.ન.પા.ની લોબીમાં ચર્ચાતી વિગતો મુજબ મ.ન.પા. દ્વારા કોવિડ કંટ્રોલરૂમના ડેશ બોર્ડ પર દરરોજ કેસની વિગતો દર્શાવાય છે.

જેમાં ખાનગી લેબોરેટરી, સિવિલ હોસ્પિટલ, મ.ન.પા.ના આરોગ્ય કેન્દ્રો અને ૭ ટેસ્ટીંગ બુથ આ તમામ ઉપરાંત શહેરના એન્ટ્રી પોઇન્ટના ટેસ્ટીંગ બુથ વગેરેના ટેસ્ટીંગની સંખ્યા તેમજ તેમાં આવેલા પોઝિટિવ વ્યકિતઓનો આંકડો દર્શાવાય છે.

આ તમામ આંકડાઓનો કુલ આંક દરરોજ સાંજે ડેશ બોર્ડ પર મુકાય છે. જેમાં ગઇકાલે કુલ ૩૫૦ કેસ થોડીવાર માટે દેખાયા હતા. અને પછી ગમે તેમ બન્યું આ ૩૫૦ આંકડાઓ ગાયબ થઇ ગયા ડીલીટ થઇ ગયા અને આજે ૩૫ કેસ જાહેર થયા. તેથી ગઇકાલે જે-જે લોકોએ ૩૫૦નો આંકડો જોયો હતો તેઓ આશ્ચર્યમાં મુકાયા હતા.

આ બાબત ઓપરેટરની ભૂલથી થઇ હોવાની શકયતા છે કેમકે સાચા આંકડાનો અલગ રીપોર્ટ 'આકાઓ' માટે અલગથી તૈયાર કરીને મોકલવામાં આવે છે જે રીપોર્ટ ભૂલથી ડેશ બોર્ડમાં જાહેર થઇ ગયાનું મ.ન.પા.ની લોબીમાં જોરશોરથી ચર્ચાઇ રહ્યું છે.

(3:16 pm IST)
  • કોલ માફિયા ઝપટેઃ CBIએ ૩ રાજયોમાં ૪૦ સ્થળે પાડયા દરોડા : CBIનો સપાટોઃ પ.બંગા, બિહાર, ઝારખંડમાં ૪૦ સ્થળે દરોડાઃ કોલ માફિયા ઝપટે ચડયાઃ કોલસાની દાણચોરી બંધ કરવા પગલું: અનેક લોકો અને કંપનીઓને ત્યાં કાર્યવાહી access_time 3:19 pm IST

  • ભારતીય કંપનીઓ ઉપર મોટો સાયબર એટેક તોળાઇ રહ્યો છે : સુરક્ષા એજન્સીએ સંકેત આપ્યો છે કે આગામી દિવસોમાં કેટલીક કંપનીઓ પર ફરીથી મોટો સાયબર હુમલો કરવા "હેકરો" સુવ્યવસ્થિત ઓર્ગેનાઈઝ્ડ પ્લાનિંગ કરી રહ્યા છે (ન્યૂઝફર્સ્ટ) access_time 10:30 am IST

  • દેશમાં કોરોનાના કેસનો કુલ આંકડો 94 લાખને પાર પહોંચ્યો : મૃત્યુઆંક 1.37 લાખથી વધુ :રાત્રે 11 વાગ્યા સુધીમાં કોરોનાના નવા 37,685 કેસ નોંધાયા:કુલ કેસની સંખ્યા 94, 30,724 થઇ :એક્ટીવ કેસ 4,46,658 થયા : વધુ 43,590 દર્દીઓ સ્વસ્થ થતા કુલ 88,44,751 રિકવર થયા :વધુ 419 લોકોના મોત સાથે કુલ મૃત્યુઆંક 1,37,152 થયો access_time 12:08 am IST