Gujarati News

રાજકોટઃ શહેરનાં વોર્ડ નં.૧૮નાં કોઠારિયા સોલવન્ટમાં આવેલ રામનગર વિસ્તારમાં ટેન્કરથી પાણી વિતરણ કરવામાં આવી રહ્યુ છે પરંતુ આ ટેન્કરો એકા એક બંધ થતા ગૃહિણીઓમાં દેકારો બોલી ગયો છે ત્યારે કોઠારિયા વિસ્તારમાં પાણી પ્રશ્ન ઉકેલવા મહિલઓનું ટોળુ મ્યુ.કોર્પોરેશન કચેરીએ ઘસી આવ્યુ હતુ. આ સમસ્યા તાત્કાલીક ઉકેલવા મેયર બિનાબેન આચાર્ય અને વિપક્ષી નેતા વશરામભાઇ સાગઠિયાને રજૂઆત કરી હતી. તેઓએ આ પ્રશ્નનો તાત્કાલીક હલ કરવા યોગ્ય ખાત્રી આપી હતી. ઉપરોકત તસ્વીરમાં કોઠારિયા વિસ્તારનાં મહિલાઓ રજૂઆત કરતા નજરે પડે છે.