Gujarati News

રાજકોટ તા. ૨૮: ગાંધીગ્રામ શાસ્ત્રીનગર-૧૫માં રહેતી અસ્મિતા હસમુખ ચોૈહાણ (ઉ.૨૩) નામની સતવારા પરિણીતાને પતિ હસમુખ, સાસુ અનસોયાબેન અને સસરા નારણભાઇએ ઢીકા-પાટુ અને લાકડીથી માર મારતાં સિવિલ હોસ્પિટલમાં દાખલ થતાં યુનિવર્સિટી પોલીસને જાણ કરાઇ હતી.

અસ્મિતાના લગ્ન અઢી વર્ષ પહેલા થયા છે. તેના માવતર શાસ્ત્રીનગરમાં જ રહે છે. પતિ રૈયાધાર પાણીના ટાંકે હંગામી ધોરણે નોકરી કરે છે. અસ્મિતાના કહેવા મુજબ પોતે કચરો ફેંકવા ગઇ ત્યારે પડોશી ભરવાડ પરિવારે કચરો ફેંકવા બાબતે પોતાની સાથે ઝઘડો કર્યો હતો. આ લોકોને સમજાવવાને બદલે પતિ, સાસુ, સસરાએ તું જ પડોશીઓ સાથે માથાકુટ કરે છે...તેમ કહી મારકુટ કરી હતી.