Gujarati News

Gujarati News

News of Saturday, 26th September 2020

શહેરમાં લાઇટ, પાણી, સફાઇના ધાંધિયા

કોરોના કાળમાં તંત્રની મૂળભૂત સેવાઓને માઠી અસર : છેલ્લા ૨૫ દિવસમાં કોલ સેન્ટરમાં અ..ધ..ધ.. : ૧૫૧૨૯ ફરિયાદો નોંધાઇ : સ્ટ્રીટ લાઇટની ૪૫૮૩ : પાણી સબંધી ૧૭૭૨ ફરિયાદો : સફાઇની ૨૦૧૯ : ભૂગર્ભ ગટરજામની ૪૨૫૨ ફરિયાદો : દેકારો

રાજકોટ તા. ૨૬ : શહેરમાં કોરોના સંક્રમણની સ્થિતિ વકરતી જાય છે ત્યારે મ.ન.પા.ના અધિકારીઓ - કર્મચારીઓ અને પદાધિકારીઓ પણ સંક્રમિત થવા લાગતા તંત્રની મુળભૂત સેવાઓને માઠી અસર પહોંચી હોવાનું કોલ સેન્ટરમાં છેલ્લા ૨૫ દિવસમાં નોંધાયેલ ફરિયાદોના આંકડાઓ પરથી ફલીત થઇ રહ્યું છે.

કોલ સેન્ટરમાં ગઇ તા. ૧ સપ્ટેમ્બરથી ગઇકાલ તા. ૨૫ સુધીમાં સૌથી વધુ ફરિયાદો ૪૫૮૩ સ્ટ્રીટ લાઇટો બંધ હોવાની તથા શોર્ટ-સર્કિટ, લાઇટ ફુટી જવા વગેરેની નોંધાઇ છે.

જ્યારે રસ્તા પર ગંદુ પાણી, કચરાપેટી નહી ઉપાડવાની, પાઇપ ગટરજામ, ખુલ્લી ગટરોમાં ગંદકી, બાંધકામ વેસ્ટના ઢગલા, ખુલ્લા પ્લોટમાં ગંદકી, જાહેર શૌચાલયોમાં ગંદકી, સફાઇ કામદારો નહી આવતા હોવાની, કચરાપેટી નહી ઉપડી હોવાની વગેરે સફાઇ સબંધી ફરિયાદો ૨૦૧૯ જેટલી નોંધાઇ છે. જ્યારે પાણી ચોરી, ભૂતિયા નળ જોડાણ, અનિયમિત પાણી વિતરણ, દુષિત પાણી વિતરણ, પાઇપલાઇન લીકેજ, પાણી નહી મળતુ હોવાની વગેરે પ્રકારની પાણી સંદર્ભની ૧૭૭૨ ફરિયાદો નોંધાઇ હતી.

આ ઉપરાંત કોરોના સંદર્ભની ૧૭૧, સીટી બસની ૨૮, ભૂગર્ભ ગટરની ૪૨૫૨, રસ્તા પર દબાણોની ૯૫, બગીચાની ૩૮, ડંકી બંધ હોવાની ૪૫ વગેરે સહિત કુલ ૧૫૧૨૯ ફરિયાદો છેલ્લા ૨૫ દિવસમાં નોંધાઇ છે અને તે પૈકી ૯૮૨૫નો ઉકેલ આવી ગયો છે. જ્યારે ૨૩૧૯ ફરિયાદો પેન્ડીંગ છે.

(2:55 pm IST)
  • યસ બેંકના રાણા કપૂરનો લંડન સ્થિત 127 કરોડ રૂપિયાનો ફ્લેટ ED દ્વારા જપ્ત : રાણા કપૂર આ ફ્લેટ વેચી નાખવાની તૈયારીમાં હોવાનું જાણવા મળતા તાત્કાલિક પગલું લીધું access_time 8:46 pm IST

  • રામોજી ગ્રુપના અધ્યક્ષ રામોજી રાવે એસપી બાલાસુબ્રમણ્યમના નિધન પર શોક વ્યક્ત કર્યો: રામોજી રાવે કહ્યું, 'હું નિરાશ છું કે બાલાસુબ્રમણ્યમ હવે નથી. તે મારા નિકટના મિત્ર હતા. એક પ્રખ્યાત ગાયક જ નહીં, તે મારા ભાઈ જેવા હતા. તે મને પ્રેમથી ગળે લગાવતા હતા access_time 1:05 pm IST

  • દેશમાં કોરોનાના કહેર વચ્ચે આજે નવા કેસ કરતા સ્વસ્થ થનારની સંખ્યામાં વધુ :કુલ કેસનો આંક 59 લાખને પાર પહોંચ્યો : રાત્રે 12-30 વાગ્યા સુધીમાં દેશમાં 85,465 નવા કેસ નોંધાયા : કુલ કેસની સંખ્યા 59,01.571 થઇ : 9,61,159 એક્ટીવ કેસ : વધુ 93,166 દર્દીઓ સ્વસ્થ થતા કુલ 48,46,168 રિકવર થયા : વધુ 1093 લોકોના મોત સાથે મૃત્યુઆંક 93,410 થયો access_time 12:51 am IST