Gujarati News

Gujarati News

News of Saturday, 26th September 2020

દિવસે કડીયા કામ અને રાતે ચોરીઓ કરતાં...ઓરિસ્સાના ત્રણ શખ્સને પ્ર.નગર પોલીસે પકડ્યાઃ બે ભેદ ખુલ્યા

જ્યાં કામ કરતાં તેની આજુબાજુના મકાનોમાં જ રેકી કરી બાદમાં હાથફેરો કરી આવતાં : રોકડ-દાગીના-તાળા તોડવાના સળીયા કબ્જેઃ હાલ રેલનગરની અમૃત સરોવર રેસિડેન્સી પાસે સાઇટ પર રહેતા'તા : પીએસઆઇ કે. ડી. પટેલ, યુવરાજસિંહ જાડેજાની બાતમીઃ પીઆઇ એલ.એલ. ચાવડા અને ટીમની કાર્યવાહી

રાજકોટ તા. ૨૬: દિવસે કડીયા કામની સાઇટ પર મજૂરી કરી રાતે આસપાસના બંધ મકાનોના તાળા તોડી ચોરી કરવાની ટેવ ધરાવતાં ઓરિસ્સાના ત્રણ શખ્સોને પ્ર.નગર પોલીસે દબોચી લેતાં બે ઘરફોડ ચોરીના ભેદ ઉકેલાયા છે.

રેલનગર મહર્ષી અરવિંદ ટાઉનશીપની પાછળના ભાગે અમૃત સરોવર રેસિડેન્સીમાં એપાર્ટમેન્ટનું બાંધકામ ચાલુ હોઇ અહિ કામ કરતાં અને રહેતાં ઓરિસ્સાના શખ્સો ચોરી કરતાં હોવાની ચોક્કસ બાતમી પ્ર.નગર પીએસઆઇ કે. ડી. પટેલ અને યુવરાજસિંહ જાડેજાને મળતાં ત્રણ શખ્સો પબિત્ર ઉર્ફ પવિત્ર અકિલ નાગ (ઉ.૩૦-રહે. મુળ શિશકેલા તા. શોઇતોલા જી. બલાગીર-ઓરિસ્સા), અજય ગજીન નાગ (ઉ.૪૦-મુળ ઓરિસ્સા), ગોરધન ઉર્ફ પિન્ટૂ નિત્યાનંદ પાત્ર (ઉ.૨૫-રહે. મુળ ઓરિસ્સા હાલ રેલનગર)ને સકંજામાં લઇ પુછતાછ કરતાં ગલ્લા તલ્લા કર્યા બાદ પ્ર.નગર વિસ્તારમાં બે મકાનમાં થયેલી ચોરીની કબુલાત આપી હતી. વિશેષ પુછતાછ થતાં ચોરેલી રકમમાંથી ૧૭ હજારના સોનાના દાગીના, ૩૫હજારની રોકડ તથા બીજા ગુનાના રૂ. ૧૫ હજાર રોકડા કાઢી આપતાં આ મુદ્દામાલ કબ્જે કરી ત્રણેયની ધરપકડ કરવામાં આવી હતી.

આ ત્રણેય જે વિસ્તારમાં બાંધકામની સાઇટ ચાલુ હોય ત્યાં મજૂરીએ રહી જતાં હતાં અને આસપાસના બંધ મકાનોની રેકી કરી લઇ રાત્રીના સમયે વંડી ઠેંકી સળીયા-ગણેશીયાથી તાળા તોડી ચોરી કરવાની ટેવ ધરાવે છે. આજુબાજુના દરવાજા જો અંદરથી બંધ હોય તો બહારથી આગળીયો મારી દેવાની પણ ટેવ ધરાવે છે.

પોલીસ કમિશનરશ્રી મનોજ અગ્રવાલ, જેસીપી ખુરશીદ અહેમદ, ડીસીપી મનોહરસિંહ જાડેજા, એસીપી ક્રાઇમ ડી.વી. બસીયા, એસીપી પી. કે. દિયોરાની સુચના મુજબ પીઆઇ એલ.એલ. ચાવડા,ં પીએસઆઇ કે. ડી. પટેલ, એએસઆઇ એસ.આર. જોગરાણા, હેડકોન્સ. દેવશીભાઇ ખાંભલા, હેડ વિજયરાજસિંહ જાડેજા, જનકભાઇ કુગશીયા, કોન્સ. યુવરાજસિંહ જાડેજા, અશોકભાઇ હુંબલ સહિતે આ કામગીરી કરી હતી.

(1:09 pm IST)
  • ખાનગી શાળાઓનો ફીનો મુદ્દો હજુ અદ્ધરતાલ : વાલી મંડળે ૫૦%ની માંગણી કરી : શિક્ષણમંત્રીએ ૨૫%ની ફી માફીની દરખાસ્ત કરી : ફરી ૨૯મીએ શિક્ષણમંત્રી સાથે વાલીમંડળની બેઠક મળશે access_time 4:06 pm IST

  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યા વધુ :એક્ટીવ કેસમાં સતત ઘટાડો : રાત્રે 12-30 વાગ્યા સુધીમાં દેશમાં 88,691 નવા કેસ નોંધાયા : કુલ કેસની સંખ્યા 59,90,513 થઇ : 9,56,491 એક્ટીવ કેસ : વધુ 92,312 દર્દીઓ સ્વસ્થ થતા કુલ 49,38,641 રિકવર થયા : વધુ 1123 લોકોના મોત સાથે મૃત્યુઆંક 94,533 થયો access_time 1:03 am IST

  • દેશમાં કોરોનાના કહેર વચ્ચે આજે નવા કેસ કરતા સ્વસ્થ થનારની સંખ્યામાં વધુ :કુલ કેસનો આંક 59 લાખને પાર પહોંચ્યો : રાત્રે 12-30 વાગ્યા સુધીમાં દેશમાં 85,465 નવા કેસ નોંધાયા : કુલ કેસની સંખ્યા 59,01.571 થઇ : 9,61,159 એક્ટીવ કેસ : વધુ 93,166 દર્દીઓ સ્વસ્થ થતા કુલ 48,46,168 રિકવર થયા : વધુ 1093 લોકોના મોત સાથે મૃત્યુઆંક 93,410 થયો access_time 12:51 am IST