Gujarati News

Gujarati News

News of Friday, 26th April 2019

રાજકોટમાં પાણીનો ઉપાડ વધ્યોઃ પાણી ચોરીની પણ આશંકા

દરરોજ ૨૭૫ એમએલડીની જરૂરીયાત સામે ૩૧૧ એમએલડી પાણીનું વિતરણ

રાજકોટ, તા. ૨૫ :. શહેરમાં દરરોજ ૨૭૫ એમએલડી સામે ૩૧૧ એમએલડી પાણીનું વિતરણ મ્યુનિસિપલ કોર્પોરેશન દ્વારા કરવામાં આવી રહ્યુ છે. ઉનાળાની ગરમીમાં શહેરમાં પાણીનો ઉપાડ વધ્યો છે કે પાણી ચોરીની આશંકા તંત્રવાહકોમાં સેવાઈ રહી છે.

આ અંગે મ્યુનિસિપલ કોર્પોરેશનના સૂત્રોમાંથી મળતી માહિતી મુજબ ગત ચોમાસુ નબળુ જતા શહેરના જળાશયો ખાલીખમ રહ્યા હતા. શહેરમાં પાણી વિતરણનો આધાર નર્મદા નીર પર રહ્યો છે. મ્યુનિસિપલ કોર્પોરેશન દ્વારા દૈનિક ૨૭૫ એમએલડી પાણી વિતરણ કરવામાં આવી રહ્યુ છે પરંતુ છેલ્લા ૮ થી ૧૦ દિવસમાં પાણીની માંગ વધવા પામી છે. ત્રણેય ઝોનમાં પાણી વિતરણના આંકડા પર નજર ફેરવીએ તો વેસ્ટઝોનમાં ૧૦૬ એમએલડી ડિમાન્ડ સામે ૧૨૫ એમએલડી પાણી વિતરણ કરવામાં આવી રહ્યુ છે. આમ ૧૮ ટકા વધુ પાણી વિતરણ થઈ રહ્યુ છે. જ્યારે સેન્ટ્રલ ઝોનમાં ૫૯ એમએલડીની ડીમાન્ડ સામે ૬૬ એમએલડી એટલે ૧૨ ટકા તથા ઈસ્ટ ઝોનમાં ૭૪ એમએલડીની સામે ૮૪ એમએલડી પાણી વિતરણ થઈ રહ્યુ છે. આમ ત્રણેય ઝોનમાં કુલ ૩૬ એમએલડી પાણી વિતરણ કરવામાં આવી રહ્યુ છે.

આ અંગે મ્યુ. કમિશ્નર બંછાનિધી પાનીએ જણાવ્યુ હતુ કે, શહેરમાં વેસ્ટ ઝોનમાં કોઠારીયા અને વાવડી વિસ્તારના કારણે આ ઝોનમાં ૧૯ એમએલડી વધુ પાણી વિતરણ થઈ રહ્યુ છે.(૨-૧૯)

(3:27 pm IST)
  • ભરૂચ:ઝઘડિયામાં વર્ષ 2016માં 11 વર્ષીય દિવ્યાંગ કિશોરી સાથે દુષ્કર્મનો મામલો: ભરૂચ પોકસો કોર્ટે આરોપીને મૃત્યુ પર્યંત આજીવન કેદની સજા ફટકારી:દિવ્યાંગ કિશોરીની એકલતાનો લાભ લઇ આરોપીએ આચર્યું હતું દુષ્કૃત્ય access_time 9:07 pm IST

  • વાવાઝોડુ 'ફાની' શ્રીલંકા બાદ તામિલનાડુમાં ત્રાટકશે : વાવાઝોડુ 'ફાની' શ્રીલંકા તરફ આગળ વધ્યા બાદ ઉત્તર પશ્ચિમ, તામિલનાડુની દિશાએ આગળ વધશે ત્યારબાદ તેનો ટ્રેક ચેન્જ થઈ આંધ્રના દરિયાઈ કાંઠાના વિસ્તારોમાં ત્રાટકશે તેમ હવામાનની એક ખાનગી સંસ્થાએ જણાવ્યુ છે. access_time 4:07 pm IST

  • લોકતંત્ર એક ઉત્સવ છે : ફરી કાશીના લોકોના આર્શીવાદ મળ્યા : વારાણસીમાં ફોર્મ ભર્યા બાદ નરેન્દ્રભાઈનું નિવેદન : કાશીવાસીઓનો માન્યો આભાર access_time 3:04 pm IST