Gujarati News

Gujarati News

News of Sunday, 25th February 2018

રાજકોટમાં મનહરપ્લોટના તબીબ ભાડુઆતને મકાન ખાલી કરી મકાનમાલિકને કબ્જો સોંપી આપવા હુકમ

જાડાવ મેંશનમાં ભાડુઆતના તબીબ વારસદારો જગ્યા ખાલી નહિ કરતા કોર્ટ કેસ કરાયો હતો

રાજકોટઃશહેરના મનહર પ્લોટ વિસ્તારમાં આવેલા મકાનમાં રહેતા તબીબ ભાડૂઆત અને મકાનમાલિક વચ્ચે મકાનના કબ્જા અંગેનો કેસ ચાલી જતા અદાલતે ભાડૂઆતને મકાન ખાલી કરી કબજો મકાનમાલિકને સોંપવાનો હુકમ કરવામાં આવ્યો છે.

આ કેસની વિગત મુજબ રાજકોટના મનહરપ્લોટ વિસ્તારમાં જાડાવબેન ડાયાલાલ જોબનપુત્રાનું જાડાવ મેન્શન મકાન મહેન્દ્રભાઈ હરિદાસ કારિયાને ભાડે આપ્યું હોય અને બાદમાં તેના વારસદારો ડોક્ટર મુંજાલ મહેન્દ્રભાઈ અને તેનો પુત્ર રોનક મુંજાલ કારિયા આ મકાનમાં રહેતા હોય છતાં ભાડા મિલકતની જગ્યા મૂળ માલિકને ના સોંપતા જાડાવબેનના વારસદાર પ્રભુદાસ જોબનપુત્રા દ્વારા કોર્ટમાં કેસ કરવામાં આવ્યો હતો. જે કેસમાં અદાલતે પીજીવીસીએલના અધિકારીઓનું વીજબીલ અંગેનું નિવેદન, ભાડૂઆતને ત્યાં લગ્નપ્રસંગમાં મળેલા આમંત્રણ કાર્ડનું સરનામું સહિતના દસ્તાવેજો તપાસી કાયદા અને હકીકતના મુદાઓને આધારે ભાડાવાળી મિલકતનો ખાલી કબજો મકાન માલિકને પરત સોંપવાનો હુકમ કરવામાં આવ્યો હતો.

(12:22 am IST)
  • સરકારી કર્મચારીઓ આનંદો... : સરકારી કર્મચારીઓમાં સાતમા પગાર પંચ અંતર્ગત ન્યૂનતમ સેલરી 21000 આપવામાં આવશે. સરકાર એપ્રિલ માસથી વધેલી સેલરી આપવાનું શરૂ કરી શકે છે. નાણાં મંત્રી અરૂણ જેટલીએ ન્યૂનતમ સેલરી અને ફિટમેન્ટ ફેક્ટરને વધારવાનો નિર્ણય કર્યો છે. સાતમાં પગાર પંચ અનુસાર પગાર દર મહિને 7000થી લઈને 18000 રૂપિયા સુધી વધી શકે છે. access_time 1:01 am IST

  • ગોવાના મુખ્યમંત્રી મનોહર પર્રિકરને ફરી એકવાર ગોવા મેડિકલ કોલેજ હોસ્પિટલમાં ભરતી કરવામાં આવ્યા છે. કહેવામાં આવી રહ્યું છે કે, ડિહાઈડ્રેશન અને બ્લડ પ્રેશરની ફરિયાદને લીધે તેમને હોસ્પિટલમાં દાખલ કરાયા છે. ઉલ્લેખનીય છે કે, તેઓ ગુરુવારે જ મુંબઈથી સારવાર લઈને ગોવા ગયા હતા.: access_time 9:23 am IST

  • શ્રીદેવીનું મોત મામલો : હવે હોટલના સીસીટીવી ફૂટેજની થશે તપાસ : સરકારી વકીલ ઓટોપ્સી રિપોર્ટથી સંતુષ્ટ નથી : બોલીવૂડની જાણીતી એક્ટ્રેસ શ્રીદેવીના પાર્થિવ દેહને ભારત લાવવામાં હજુ સફળતા નથી મળી શકી. હજુ સુધી શ્રીદેવીના મોતનું કારણ સામે આવી ચૂક્યું છે. દુબઈ ફોરેન્સિક ડિપાર્ટમેન્ટ કોઈપણ પ્રકારના ગુનાઈત ષડયંત્રને નકારી ચૂક્યું છે, પંરતુ પબ્લિક પ્રોસિક્યૂશન ઓટોપ્સી રિપોર્ટથી સંતુષ્ટ ન હોવાનું જણાવાઈ રહ્યું છે. પબ્લિક પ્રોસિક્યૂશને એ હોટલના સીસીટીવી ફૂટેજ મંગાવ્યા છે, જે હોટેલમાં શ્રીદેવીનું મોત થયું હતું. access_time 12:57 am IST