Gujarati News

Gujarati News

News of Thursday, 25th February 2021

શહેરમાં કોરોના સંક્રમણ વધવા લાગતા સર્વેમાં ઝડપ

આજે બપોર સુધીમાં ૧૬ કેસ : કુલ કેસનો આંક ૧૬ હજાર નજીક પહોંચ્યો : રેલ્વે સ્ટેશન, બસ પોર્ટ અને એરપોર્ટ પર મુંબઇ-મહારાષ્ટ્રથી આવનારાઓનું મેડીકલ સ્ક્રીનીંગ

રાજકોટ, તા. રપ :  ચૂંટણીઓ પૂર્ણ થતા જ શહેરમાં કોરોનાના કેસ વધવા લાગ્યા છે. ત્યારે મ.ન.પા.એ. હવે સંક્રમણ અટકાવવા સર્વેથી ઝડપ વધારી દીધી છે.  ૧૮ વોર્ડનાં પ્રભારી અધિકારીઓને ફિલ્મમાં ઉતારી દેવાયા છે. અને બિમાર વ્યીકતઓને શોધીને કોરોના ટેસ્ટીંગ, મેડીકલ સ્ક્રીનીંગની કામગીરી શરૂ કરી દેવાઇ છે.

શહેરમાં રેલ્વે સ્ટેશન, બસપોર્ટ અને એરપોર્ટ ખાતે મુંબઇ-મહારાષ્ટ્ર વગેરે પરપ્રાંતિય મુસાફરોનું મેડીકલ સ્ક્રીનીંગ કરવા માટે ત્રણ બુથ શરૂ કરી દેવાયા છે.

બપોર સુધીમાં ૧૬ કેસ

આ અંગે મ્યુ.કોર્પોરેશનની સતાવાર માહિતીમાં જણાવ્યા મુજબ આજે બપોરે ૧૨ વાગ્યા સુધીમાં   કુલ ૧૬ નવા કેસ સાથે શહેરમાં અત્યાર સુધીમાં કુલ  ૧૫,૯૯૭ પોઝીટીવ કેસ નોંધાઇ ચુકયા છે. અને તે પૈકી ૧૫,૬૮૬ લોકો સાજા થઇને હોસ્પિટલમાંથી ડીસ્ચાર્જ થતા  ૯૮.૧૫ ટકા રિકવરી રેટ થયો છે.

ગઇકાલે કુલ ૧૩૦૧ સેમ્પલ લેવાયા હતા.જેમાં ૪૬ કેસ નોંધાતા પોઝિટિવ રેટ ૩.૫૪  ટકા થયો  હતો. જયારે ૩૫ દર્દીઓે સાજા થયા હતા.

જયારે આજ દિન સુધીમાં ૫,૯૧,૫૪૭ લોકોનાં  ટેસ્ટ કરવામાં આવ્યા છે. જેમાંથી ૧૫,૯૯૭ સંક્રમીત થતા પોઝિટિવ રેટ  ૨.૭૦ ટકા થયો છે.

(4:02 pm IST)
  • કેન્દ્રીય કર્મચારીઓને મળી શકે છે ખુશખબરી : કોરોના કાળમાં સરકારે મોંઘવારી ભથ્થું કાપ્યું હતું ત્યારે હવે જાન્યુઆરી 2021થી જૂન 2021 સુધીમાં ડીએમાં વધારો થવાની શકયતા છે :આગામી દિવસોમાં જ નવા વધારા સાથે પગાર મળશે access_time 1:26 am IST

  • દેશમાં ફરીવાર કોરોનાના સતત વધતા કેસ :રાત્રે 12 વાગ્યા સુધીમાં કોરોનાના નવા 16,562 કેસ નોંધાયા :કુલ કેસની સંખ્યા 1,10,63,038 થઇ :એક્ટિવ કેસ 1,53,849 થયા: વધુ 12,203 દર્દીઓ સ્વસ્થ થતા કુલ 1,07,48,759 થયા :વધુ 119 લોકોના મોત સાથે કુલ મૃત્યુઆંક 1,56, 861 થયા access_time 1:31 am IST

  • કેરળ સરકારનો મોટો નિર્ણય : સબરીમાલા અને સીએએ વિરોધી સામેના કેસ પાછા ખેચશે : કોંગ્રેસ નેતૃત્વ વાળા યુડીએફએ સરકારના આ નિર્ણયને આવકાર્યો : જયારે ભાજપે ભગવાન અયપ્પાના ભક્તો વિરુદ્ધ કેસ દાખલ કરવા બદલ મુખ્યમંત્રી પાસે માફીની માંગ કરી access_time 12:40 am IST