Gujarati News

Gujarati News

News of Thursday, 25th February 2021

સિવિલની ૭ નંબરની ઓપીડીનું એકસ રે મશીન બંધ થતાં અંધાધુંધીઃ દર્દીઓને કલાકો સુધી હેરાન પરેશાન થવું પડ્યું

સાત નંબરની ઓપીડીના દર્દીઓને ૨૧ નંબર અને ટ્રોમાના એકસ રે રૂમમાં મોકલવા પડ્યા

રાજકોટઃ સિવિલ હોસ્પિટલમાં ૭ નંબરની ઓપીડીનું એકસ રે મશીન આજે સવારે એકાએક બંધ પડી જતાં અહિથી મોટી સંખ્યામાં એકસ રે પડાવવા માટે દર્દીઓને હોસ્પિટલ પોલીસ ચોકી પાસેના ૨૧ નંબરમાં આવેલા એકસ રે રૂમમાં તથા ટ્રોમા કેર સેન્ટરના એકસ રે રૂમમાં ખસેડવા પડ્યા હતાં. બંને એકસ રે રૂમમાં દર્દીઓની લાંબી કતારો જામી ગઇ હતી. એક એક કલાકે વારો આવ્યો હતો. દર્દીઓ અને તેના સગાને આ કારણે હેરાન થવું પડ્યું હતું. નવું એકસ રે મશીન કે જે ૭ નંબરની ઓપીડીમાં મુકવાનું છે તે આવી ગયેલું છે. પરંતુ હાલમાં અહિ જગ્યાનો અભાવ હોઇ મશીન મુકી શકાય તેમ નથી. વળી જે મશીન ખરાબ થઇ ગયું છે તેના ટેકનીશીયનને અમદાવાદથી બોલાવવા પડે તેમ છે. તસ્વીરમાં એકસ રે માટે કતારમાં ઉભેલા દર્દીઓ અને તેમના સગા જોઇ શકાય છે.

(3:17 pm IST)
  • દેશમાં કોરોનાના સતત વધતા કેસ :રાત્રે 11 વાગ્યા સુધીમાં કોરોનાના નવા 16,886 કેસ નોંધાયા :કુલ કેસની સંખ્યા 1,10,46,432 થઇ :એક્ટિવ કેસ 1,48,691 થયા: વધુ 11,976 દર્દીઓ સ્વસ્થ થતા કુલ 1,07,36,432 થયા :વધુ 141 લોકોના મોત સાથે કુલ મૃત્યુઆંક 1,56, 742 થયા access_time 1:09 am IST

  • દેશમાં ફરીવાર કોરોનાના સતત વધતા કેસ :રાત્રે 12 વાગ્યા સુધીમાં કોરોનાના નવા 16,562 કેસ નોંધાયા :કુલ કેસની સંખ્યા 1,10,63,038 થઇ :એક્ટિવ કેસ 1,53,849 થયા: વધુ 12,203 દર્દીઓ સ્વસ્થ થતા કુલ 1,07,48,759 થયા :વધુ 119 લોકોના મોત સાથે કુલ મૃત્યુઆંક 1,56, 861 થયા access_time 1:31 am IST

  • દત્તક લીધેલા યુંઅવાકના લગ્નમાં ગાઝીપુર જશે રક્ષામંત્રી રાજનાથસિંહ : આશ્રમ પદ્ધતિ વિદ્યાલય વારાણસીમાં વિજેન્દ્રે ટોપ કર્યું હતું : રાજનાથસિંહ જયારે મુખ્યમંત્રી હતા ત્યારે વારાણસી સ્થિત આશ્રમ પદ્ધતિ વિદ્યાલયના તત્કાલીન પ્રધાનાચાર્યને ફોન કરીને બે ગરીબ અને તેજસ્વી બાળકોને દત્તક લેવા ઈચ્છા દર્શાવી હતી :વિજેન્દરને દત્તક લઈને રાજનાથસિંહે અભ્યાસની જવાબદારી નિભાવી હતી access_time 1:23 am IST