Gujarati News

રાજકોટઃ કોરોનાને કારણે લોકડાઉનનું કડક પાલન પોલીસ કરાવી રહી છે. પાન-બીડી-સિગારેટ-તમાકુના વેંચાણ કરતાં ગલ્લાઓ પણ બંધ કરવામાં આવ્યા છે. પ્રતિબંધ હોવા છતાં આવી ચીજવસ્તુઓ હાલના દિવસોમાં છાનેખુણે વેંચાય છે. અમુક તો બમણા કે ત્રણ ગણા ભાવ વસુલી બંધાણીઓને ચુસી રહ્યા છે. સિવિલ હોસ્પિટલમાં ચેકીંગ દરમિયાન સિકયુરીટીની ટીમે રેલનગર નાથદ્વારા પાર્કના નિલેશ રામશીભાઇ આડેસરા નામના શખ્સને બીડીની ત્રણ જુડીઓ, દસ તમાકુવાળી ફાકી તથા મિરાજની પડીકીઓ સાથે નવી ઓપીડીમાંથી પકડી લઇ પ્ર.નગર પોલીસને સોંપ્યો છે. સિકયુરીટીના ઇન્ચાર્જ નિવૃત પીઆઇ એ. ડી. જાડેજા, નિવૃત એએસઆઇ જનકસિંહ ઝાલા અને સિકયુરીટી ગાર્ડ અફઝલભાઇ, રણજીતભાઇ સહિતે આ કામગીરી કરી હતી.