Gujarati News

Gujarati News

News of Tuesday, 24th April 2018

ભારતનગરમાં ઓરડીમાં ભોંયરૂ બનાવી ઇમરાને ૯૬ હજારનો દારૂ છૂપાવ્યો'તોઃ ક્રાઇમ બ્રાંચે જપ્ત કર્યો

હેડકોન્સ. સમીરભાઇ શેખ, કોન્સ. હરદેવસિંહ રાણા અને રામભાઇની બાતમી પરથી દરોડોઃ ઇમરાન અગાઉ દારૂ અને હત્યાના ગુનામાં સંડોવાઇ ચુકયો છે

રાજકોટ તા. ૨૪: શહેરમાં દારૂના ધંધાર્થીઓ પર પોલીસની ધોંસ યથાવત રહી છે. વધુ એક દરોડામાં આજીડેમ પાસે ભારતનગરમાં ક્રાઇમ બ્રાંચે ચોક્કસ બાતમી પરથી એક ઓરડીમાં દરોડો પાડી અંદર ભોંયરામાં છૂપાવાયેલો રૂ. ૯૬ હજારનો દારૂ જપ્ત કર્યો હતો. ઓરડીમાં રહેતો મુસ્લિમ શખ્સ હાજર ન હોઇ તેની શોધખોળ થઇ રહી છે.

પોલીસ કમિશ્નર અનુપમસિંહ ગહલોૈત અને જેસીપી ડી.એસ. ભટ્ટ તથા એસીપી ક્રાઇમ જે. એચ. સરવૈયાની રાહબરી તથા પી.આઇ. એચ. એમ. ગઢવીની સુચના મુજબ પીએસઆઇ એ.એસ. સોનારા, હેડકોન્સ. સમીરભાઇ શેખ, નિલેષભાઇ ડામોર, અનિલભાઇ સોનારા, કોન્સ. ઘનશ્યામસિંહ ચોૈહાણ, રામભાઇ વાંક, હરદેવસિંહ રાણા, અજીતસિંહ પરમાર સહિતના પેટ્રોલીંગમાં હતાં ત્યારે સમીરભાઇ શેખ, હરદેવસિંહ અને રામભાઇને બાતમી મળી હતી કે ૮૦ ફુટ ચોકડી પાસે ભારતનગર-૩માં રહેતાં ઇમરાન જુસબભાઇ કાયાણીએ ઘરમાં દારૂનો જથ્થો ઉતાર્યો છે.

આ માહિતી પરથી ત્યાં દરોડો પાડવામાં આવ્યો હતો. પણ ઇમરાન હાજર નહોતો. ઘરમાં દારૂ પણ દેખાયો નહોતો. બાદમાં તપાસ કરતાં લોખંડનું મોટુ ઢાંકણું દેખાતા તે ઉંચકાવતાં નીચે મોટુ ભોંયરૂ જોવા મળ્યું હતું. જેમાંથી ૨૪૦ બોટલ દારૂ ૯૬ હજારનો મળતાં કબ્જે કર્યો હતો. પોલીસના કહેવા મુજબ ઇમરાન અગાઉ પણ દારૂ સાથે પકડાયો હતો. તેમજ એક હત્યાના ગુનામાં પણ સંડોવાઇ ચુકયો છે. તેને ઝડપી લેવા તજવીજ થઇ રહી છે. તસ્વીરમાં ઇમરાનની ઓરડીમાં દારૂ છુપાવવાનું ભોંયરૂ, જપ્ત થયેલો દારૂ અને પીએસઆઇ સોનારા તથા ટીમ જોઇ શકાય છે.

(12:34 pm IST)
  • અમેરિકા - ટેનેસીનાં નેશવીલમાં એક વેફલ હાઉસમાં રવિવવારે થયેલ ભયંકર ગોળીબાર કરનાર કથિત નગ્ન હુમલાખોર, ૨૯ વર્ષીય ટ્રાવીસ રેનકિંગને પોલીસે દબોચી લીધો : ગઈકાલની દુર્ભાગ્યપૂર્ણ ઘટનામાં કુલ ૪ લોકો માર્યા ગયા હતા અને ૪ ઘાયલ થયા હતા : મેટ્રો નેશવીલ પોલીસ ડીપાર્ટમેન્ટે હુમલાખોરની ધરપકડ થયાનું જણાવ્યું હતું access_time 12:02 am IST

  • IPL 2018 : લો સ્કોરિંગ મેચમાં પંજાબનો દિલ્હી સામે ચાર રને વિજય : દિલ્હીની સતત પાંચમી હાર, પંજાબની સતત ચોથી જીત : શ્રેયસ ઐય્યરના 57 રન દિલ્હીને જીતાડી શક્યા નહીં : પંજાબે છેલ્લા બોલે દિલ્હીને 4 રને હરાવ્યું access_time 11:45 pm IST

  • અહો આશ્ચર્યમ ;ડોનાલ્ડ ટ્રમ્પએ ઉત્તર કોરિયાના શાસક કિમ જોંગની કર્યા વખાણ :ટ્રમ્પએ કહ્યું કિમ અત્યંત આદરણીય વ્યક્તિ છે ;તેઓ બન્ને વચ્ચે વહેલીતકે બેઠક યોજાશે.:અમેરિકા કિમ જોંગની ક્રૂરતા અને છેતરપિંડી માટે લાંબા સમય માટે ટીકા કરી રહ્યું છે,તેવામાં અમેરિકન રાષ્ટ્રપતિ ટ્રમ્પએ ઉત્તર કોરિયાના નેતાની પ્રશંસા કરતા આશ્ચર્ય ફેલાયું છે access_time 1:29 am IST