Gujarati News

Gujarati News

News of Tuesday, 24th April 2018

ચંપકનગરના તુલસીભાઇ માળીનો બિમારીથી કંટાળી ઝેર પી આપઘાત

ગાંધીગ્રામના પ્રજાપતિ ધનજીભાઇ કુકડીયાનું બેભાન થઇ જતાં મોત

રાજકોટ તા. ૨૪: સામા કાંઠે સંત કબીર રોડ પર ચંપકનગરમાં રહેતાં તુલસીભાઇ નામેરીભાઇ સોલંકી (ઉ.૫૦) નામના માળી પ્રોૈઢે ગઇકાલે સવારે અગિયારેક વાગ્યે ઘર નજીક બ્રાહ્મણીયા પરામાં પોતાના પુત્ર નિકુંજની દૂકાન પાસે ઝેરી દવા પી લેતાં સિવિલ હોસ્પિટલમાં ખસેડાયા હતાં. પરંતુ અહિ વહેલી સવારે મોત નિપજ્યું હતું. લાંબા સમયથી તેમને પેરેલિસીસ હોઇ કંટાળી જઇ આ પગલુ ભર્યાનું પરિવારજનોએ કહ્યું હતું.

હોસ્પિટલ ચોકીના થોભણભાઇ ટીલાળા અને દિપસિંહ ચોૈહાણે બી-ડિવીઝનમાં જાણ કરી હતી. આપઘાત કરનાર તુલસીભાઇ બે ભાઇ અને ચાર બહેનમાં બીજા હતાં. સંતાનમાં બે પુત્ર છે. પોતે સતત બિમાર રહેતાં હોઇ નિવૃત જીવન ગાળતાં હતાં.  તેમના મોતથી સ્વજનોમાં અરેરાટી વ્યાપી ગઇ હતી.

બીજા બનાવમાં ગાંધીગ્રામ જીવંતિકાનગર મેઇન રોડ પર રહેતાં ધનજીભાઇ રામજીભાઇ કુકડીયા (સોરઠીયા પ્રજાપતિ) (ઉ.૫૫)ને ઘરે બાથરૂમમાં હતાં ત્યારે અચાનક ચક્કર આવતાં પડી જતાં સિવિલ હોસ્પિટલમાં ખસેડાયા હતાં. પરંતુ અહિ મોત નિપજ્યું હતું. મૃતક મુળ માધવપુર ઘેડના વતની હતાં અને મિસ્ત્રી કામ કરતાં હતાં. સંતાનમાં એક પુત્ર અને એક પુત્રી છે. ગાંધીગ્રામ પોલીસે જરૂરી કાર્યવાહી કરી હતી. બનાવથી સ્વજનોમાં ગમગીની છવાઇ ગઇ હતી.

(11:32 am IST)
  • અહો આશ્ચર્યમ ;ડોનાલ્ડ ટ્રમ્પએ ઉત્તર કોરિયાના શાસક કિમ જોંગની કર્યા વખાણ :ટ્રમ્પએ કહ્યું કિમ અત્યંત આદરણીય વ્યક્તિ છે ;તેઓ બન્ને વચ્ચે વહેલીતકે બેઠક યોજાશે.:અમેરિકા કિમ જોંગની ક્રૂરતા અને છેતરપિંડી માટે લાંબા સમય માટે ટીકા કરી રહ્યું છે,તેવામાં અમેરિકન રાષ્ટ્રપતિ ટ્રમ્પએ ઉત્તર કોરિયાના નેતાની પ્રશંસા કરતા આશ્ચર્ય ફેલાયું છે access_time 1:29 am IST

  • દિવસ અને રાત પેટ્રોલ- ડીઝલના ભાવમાં સતત ભડકો: છેલ્લા ૫૫ મહિનામાં પેટ્રોલ અને ડીઝલના ભાવો દેશમાં સર્વોચ્ચ સપાટીએ પહોંચ્યા હતા access_time 9:58 pm IST

  • અમેરિકા - ટેનેસીનાં નેશવીલમાં એક વેફલ હાઉસમાં રવિવવારે થયેલ ભયંકર ગોળીબાર કરનાર કથિત નગ્ન હુમલાખોર, ૨૯ વર્ષીય ટ્રાવીસ રેનકિંગને પોલીસે દબોચી લીધો : ગઈકાલની દુર્ભાગ્યપૂર્ણ ઘટનામાં કુલ ૪ લોકો માર્યા ગયા હતા અને ૪ ઘાયલ થયા હતા : મેટ્રો નેશવીલ પોલીસ ડીપાર્ટમેન્ટે હુમલાખોરની ધરપકડ થયાનું જણાવ્યું હતું access_time 12:02 am IST