Gujarati News

Gujarati News

News of Monday, 23rd September 2019

લ્‍યો કરો વાત રાજકોટમાં હવે મહિલાઓ પણ સરેઆમ દારૂની હાટડીઓ ચલાવવામાં વ્‍યસ્‍ત : યુનિવર્સિટી જેવા પોસ વિસ્‍તાર ગણાતા જે.કે. ચોકમાં જનતા રેડ પાડી દારૂ ઝડપ્‍યો : ધંધાર્થીઓ ફરાર પોલીસ અજાણ થતી પણ હપ્‍તારાજથી બધુ ચાલે છે : લોકોન આક્રોશ

રાજકોટ : ત્રણ દિવસ પહેલા રાજકોટની ભાગોળે વોટરપાર્કમાં ચાલી રહેલી પોલીસની મહેફિલમાં ખુદ પોલીસ ત્રાટકી હતી. આ બનાવ બાદ પોલીસ તંત્રએ શહેરના જુદા જુદા સ્થળોએ દરોડા પાડ્યાં છે. પરંતુ આજે શહેરનાં યુનિવર્સિટી પોલીસ સ્ટેશન વિસ્તારમાં જે.કે. ચોક પાસે મહિલાઓએ મળીને જનતા રેડ પાડીને મોટા પ્રમાણમાં દેશી દારૂ ઝડપી પાડ્યો હતો. ત્યારે મહિલાઓએ જણાવ્યું હતું કે અમે અનેકવાર પોલીસને આ વિસ્તારમાં દેશી દારૂ મળે છે તેવી રજૂવાત કરી હતી. પોલીસ તો અહીં આવે છે પરંતુ હપ્તા લઇને જતી રહે છે. અમારી સમસ્યાનું સમાધાન જ નથી થઇ રહ્યું. ત્યારે આજે અમે જાતે જ આ દેશી દારૂ વેચાતા જગ્યા પર દરોડા પાડ્યાં છે. અહીં આ ધંધો ચલવનારા બધા જ ફરાર થઇ ગયા છે.

મનસુખભાઇ કાલરિયાએ આ અંગે રોષ વ્યક્ત કરતા જણાવ્યું કે, મુખ્યમંત્રીનાં મત વિસ્તાર યુનિવર્સિટી રોડ પર અસહ્ય ગંદકી અને રોડ રસ્તા ડ્રેનેજનો ત્રાસ તો છે જ. ઉપરાંત બાજુની ઝૂપડપટ્ટીમાં ખુલ્લેઆમ દેશી દારૂ વેચાય છે. સ્થાનિકોએ આ અંગે પોલીસને રજૂવાત પણ કરી છે પરંતુ પોલીસ કોઇ પગલા લેતી નથી. જેના કારણે લોકોએ જનતા રૅડ પાડી છે. અહીંનાં લોકો 24 કલાક દેશી દારૂ વેચે છે. પોલીસ આવે છે અને હપ્તા લઇને જતા રહે છે. પરંતુ આ દારૂનાં વેચાણને બંધ કરવાની તસ્દી લેતા નથી. જો આ અંગે કડક કાયદા નહીં લેવામાં આવે તો અમારે ઉગ્ર આંદોલન કરવાની ફરજ પડશે.

આ અંગે મહિલાઓને જ્યારે પૂછવામાં આવ્યું ત્યારે બધાનો એક જ સૂર હતો કે, આ વિસ્તારમાં યુવાનથી માંડીને વૃદ્ધો દારૂ પીને પડી રહે છે. અમારે ઘરની બહાર જવું મુશ્કેલ થાય છે. આ વિસ્તારમાં અમારી દીકરીઓને મોકલતા પણ અમને ડર લાગે છે. આ લોકો દારૂ પીને છટકા બને છે અને ઘણી વખત બૂમાબૂમ પણ કરતાં હોય છે. અમારા બાળકો જ્યારે અમને પૂછે છે કે આ સેની વાસ આવે છે આ શું છે તો અમારે જવાબ આપવાનો ભારે પડી જાય છે.

(4:09 pm IST)
  • દિલ્હી અને ગ્રેટર નોઈડામાં પોલીસ અથડામણ : ઈનામી આરોપી સહીત બે ઝડપાયા : ગ્રેટર નોઇડ્સમાં 25 હજારના ઈનામી બદમાશ મનીષની ધરપકડ : દિલ્હીના કૈર ગામમાં નંદુ ગેંગ સાથે પોલીસની અથડામણ access_time 1:05 am IST

  • હાઉડી મોદીમાં વડાપ્રધાને કાશ્મીરનો કર્યો ઉલ્લેખ : કહ્યું -આર્ટિકલ 370ના કારણે જમ્મુ કાશ્મીર અને લદ્દાખના લોકોને વિકાસ અને સમાન અધિકારોથી વંચિત રાખ્યા હતા. જેનો ફાયદો આતંકવાદી અને અલગાવવાદી તાકાત ઉઠાવતી હતી access_time 1:04 am IST

  • કાલથી કેરળમાં મધ્યમ - ભારે વરસાદ : અપર લેવલ એકટીવ સરકયુલેશન અને લો લેવલ હિલચાલના પગલે આગામી કેટલાક દિવસો (૨૪-૨૫ સપ્ટેમ્બર) સુધી કેરળમાં મધ્યમથી ભારે વરસાદની ખાનગી વેધર ચેનલે આગાહી કરી છે : ગાજવીજ સાથે બેંગ્લોર અને તામિલનાડુમાં વરસાદ પડવા સંભવ access_time 6:32 pm IST