Gujarati News

રાજકોટ તા. ૨૩ : શહેરના વોર્ડ નં. ૨ના વિવિધ વિસ્તારમાં લાખોના કામો ખર્ચે વિકાસ કામો આજની સ્ટે. કમિટિ બેઠકમાં મંજુર કરવામાં આવ્યા છે. આ કામો મંજુર થતાં ડો. દર્શિતાબેન શાહ, મનીષભાઇ રાડીયા, જયમીનભાઇ ઠાકર, સોફિયાબેન દલ સહિતના કોર્પોરેટરના પ્રયત્નો સફળ થયા છે.

આ અંગે વોર્ડ નં. ૨ના કોર્પોરેટરના જણાવ્યા પ્રમાણે વોર્ડ નં.૨માં વિકાસ કામોની હારમાળા સર્જી છે. વિકાસકામોને આગળ ધપાવવા વોર્ડ નં.૨ના બજરંગવાડી વિસ્તારમાં ટી.પી. સ્કીમ નં.૯ ફાઇનલ પ્લોટ નં.જી-૩ બગીચા માટેના પ્લોટને ફરતે રૂ.૨૦,૫૭,૪૪૯ના ખર્ચે કમ્પાઉન્ડ વોલ બનાવવામાં આવશે. તેમજ વોર્ડ નં. ૨ના છોટુનગર, પત્રકાર સોસાયટી, શ્રીમદ પાર્ક વિગેરે વિસ્તારમાંનાં વિસ્તારવાસીઓની રજૂઆત ધ્યાને લઈ આજ રોજ વોર્ડ નં.૨નાં કોર્પોરેટરશ્રીઓએ આ તમામ કામો મંજુર કરાવેલ છે. રસ્તાની સાઇડના પડખામાં રૂ.૨૩,૦૪,૧૨૦ના ખર્ચે પેવીંગ બ્લોક નાખવામાં આવશે.(૨૧.૧૪)