Gujarati News

રાજકોટ તા. ૨૩ : માનવ જાત વિજ્ઞાનની મદદ વગર એક સેકન્ડ પણ ચલાવી ન શકે. પૃથ્વી પર બનતી કોઇપણ ઘટનાઓ ઉપર વિજ્ઞાન અને તેના આધારે હવામાન ખાતુ જ સચોટ કારણ આપી શકે બાકી ભડલી વાકયો કે ટીટોડીના ઇંડા કે હોળીની જાળની કહેવાતી માન્યતાઓ વ્યથ હોવાનું ભારત જન વિજ્ઞાન જાથાના રાજય ચેરમેન જયંત પંડયાએ જણાવેલ છે.

તેઓએ જણાવ્યુ છે કે અમદાવાદ અને જુનાગઢમાં વર્ષા પરિસંવાદ થયા અને વરસાદના વરતારા કરાયા. પરંતુ બધુ જ ખોટુ પડયુ. મે - જુનમાં વાવાઝોડુ, વરસાદ, વાવણી થઇ જશે વગેરે આગાહીઓ કરાઇ હતી તેનો કરૂણ રકાસ થઇ ચુકયો છે. વરતારા કરનારાઓમાં એકત્રતા પણ જોવા મળતી નથી.

દર વરસે આવા વરતારા કરાય છે. તેમના ઉપર કોઇ નિયંત્રણ હોતુ નથી. આવુ અવૈજ્ઞાનિક તિકડમ કાયમી માટે બંધ થવુ જોઇએ તેમ જાણાના જયંત પંડયા (મો.૯૮૨૫૨ ૧૬૬૮૯) એ જણાવેલ છે. (૧૬.૩)