Gujarati News

Gujarati News

News of Tuesday, 23rd February 2021

'કેસરીયો' છવાયો, ભાજપનો જયઘોષ ગુંજ્યો... મતદારોનું મન 'વિકાસ'ને વળગી રહ્યું... રાજકોટમાં 'કમળ' ખીલેલું જ રહ્યું: ઠેર ઠેર વિજયોત્સવ

મતદારોએ ફરી એક વખત ભાજપની વિકાસની નીતિરીતિને વળગી રહેવાનું યોગ્ય માન્યું હોય તેમ પરિવર્તન નહિ, પરંતુ પુનરાવર્તન થયું છે. રાજકોટ મ્યુનિસિપલ કોર્પોરેશનમાં ફરીથી ભાજપનું શાસન આવ્યું છે. રંગીલા રાજકોટમાં ફરીથી કેસરીયો ફરકી ગયો છે, કમળ ખીલેલું જ રહ્યું છે. જે જે વોર્ડમાં ભાજપની આખેઆખી પેનલો જીતી ગઇ એ તમામ વોર્ડમાંથી ઉમેદવારોએ મોટી સંખ્યાના ટેકેદારો, કાર્યકરોને સાથે રાખી વિજય સરઘસ કાઢ્યા હતાં. ભારે ઉત્સાહ, ઉમંગ સાથે ભાજપનો જયઘોષ થયો હતો... આજે મ.ન.પા.ની ચૂંટણીમાં ભાજપે બપોરે ૧ વાગ્યા સુધીમાં ૩૬ બેઠકો મેળવી ફરીથી સત્તા હાંસલ કરી લીધી હતી અને વિજેતા ઉમેદવારોએ પોતપોતાના વિસ્તારમાં વિજય સરઘસ - આતશબાજી શરૂ કરી દીધી હતી. તે વખતની તસ્વીરમાં વોર્ડ નં. ૭માં નેહલ શુકલ, દેવાંગ માંકડ, જયશ્રીબેન ચાવડા, વર્ષાબેન પાંધી, વોર્ડ નં. ૧૩માં નીતિનભાઇ રામાણી, જયાબેન ડાંગર, વોર્ડ નં. ૧૬માં નરેન્દ્ર ડવ, કંચનબેન સીધ્ધપુરા, રૂચિતાબેન જોષી, સુરેશ વસોયા વગેરે, વોર્ડ નં. ૧૦માં જ્યોત્સનાબેન ટીલા, રાજેશ્વરીબેન ડોડીયા, ચેતન સુરેજા, નરેન્દ્રસિંહ વાઘેલા (નિરૂભા) વગેરે સહિતના વિજેતા ઉમેદવારોએ વિજય સરઘસ અને આતશબાજીઓ કરી હતી તે વખતની તસ્વીરો. (તસ્વીર : સંદિપ બગથરીયા)

(2:41 pm IST)
  • ભારત- ઇંગ્લેન્ડ વ્હાઇટ બોલ સિરીઝમાં દિનેશ કાર્તિક બનશે કોમેન્ટેટર : તમિલનાડુના બેટ્સમેન દિનેશ કાર્તિક ભારત – ઈંગ્લેન્ડ વચ્ચે વ્હાઇટ બોલ સિરીઝમાં કોમેન્ટ્રી કરશે : 5 ટી -20 અને ત્રણ ત્રિદિવસીય મેચમાં કોમેન્ટ્રી કરશે જે 12મી માર્ચથી શરૂ થશે access_time 11:08 pm IST

  • મતદારોએ આખે આખી પેનલો વીજયી બનાવીઃ નવી પેટર્ને આશ્ચર્ય સર્જયુઃ એક પણ વોર્ડમાં ક્રોસ વોટીંગ નહી! access_time 3:58 pm IST

  • ૪ કોર્પોરેશનના તમામ પરિણામો જાહેર : (૧) રાજકોટ : ૭૨માંથી ૬૮ ભાજપ, ૪ કોંગ્રેસ (૨) જામનગર : ૬૪માંથી ૫૦ ભાજપ, ૧૧ કોંગ્રેસ, ૩ બસપા (૩) ભાવનગર : ૫૨માંથી ૪૪ ભાજપ, ૮ કોંગ્રેસ (૪) વડોદરા : ૭૬માંથી ૬૬ ભાજપ, ૧૦ કોંગ્રેસ : અમદાવાદ - સુરતની કેટલીક બેઠકોની ગણત્રી ચાલુ છે ત્યારે અમદાવાદમાં ૧૯૨માં ૧૩૯ બેઠકો ભાજપ મેળવે છે, કોંગ્રેસ ૧૫ અને ૧ અન્ય પક્ષને, મોડે સુધી ગણત્રી ચાલશે. જયારે સુરતમાં ૧૨૦ બેઠકમાંથી ૯૩ બેઠક ભાજપ મેળવી રહ્યું છે (૫૫ જાહેર થઈ), ૨૫ બેઠક ઉપર આપનો વિજય, ૨ ઉપર આપ આગળ છે, કોંગ્રેસને એક પણ મળી નથી. access_time 4:57 pm IST