Gujarati News

Gujarati News

News of Saturday, 23rd January 2021

સ્વામીનારાયણ ગુરૂકુળ ખાતે ૠષિકુમારો અને સંતો દ્વારા ભાગવતજીનું ફૂલહારથી સ્વાગત

સારા જીવન માટે સંતનું સાનિધ્ય શ્રેષ્ઠ : મોહન ભાગવતજી

સંઘના વડા શ્રી મોહન ભાગવતજી બે દિવસ રાજકોટમાં છે. તેઓ આ બંને દિવસ સંઘના કાર્યકરો સાથે જ બેઠક યોજી ચર્ચા વિચારણા કરનાર છે. અન્ય કોઈ તેઓનો કાર્યક્રમ નથી. દરમિયાન આજે સવારે ભાગવતજીનું સ્વામીનારાયણ ગુરૂકુળ ખાતે આગમન થયુ હતું. તે પ્રસંગે ગુરૂકુળના ૠષિકુમારો અને સંતો દ્વારા તેઓનું ફૂલહારથી સ્વાગત કર્યુ હતું. ૠષિકુમારોએ મંત્રોચ્ચાર કર્યા હતા. તો સ્વામીનારાયણ ગુરૂકુળના પૂ.લક્ષ્મીનારાયણ સ્વામી, પૂ.હરિપ્રિયસ્વામી, પૂ.સંતસ્વામી સહિતના સંતો - મહંતોએ ફૂલહારથી સ્વાગત કર્યુ હતું. આ પ્રસંગે ભાગવતજીએ કહ્યું કે સારા જીવન માટે સંતનું સાનિધ્ય શ્રેષ્ઠ છે. તમે તો સંતો કહેવાય, તમારે નહિં પણ અમારે તમને ફૂલહારથી સન્માન કરવું જાઈએ. ત્યારબાદ તેઓ ગુરૂકુળના પ્રાર્થના હોલમાં ચાલી રહેલ સભામાં જોડાઈ ગયા હતા. સભામાં સંઘના ૧૫૦થી વધુ કાર્યકરો સાથે તેઓ સંઘની કામગીરી અંગે ચર્ચા - વિચારણા સાથે માર્ગદર્શન પણ આપનાર છે. તેઓના આગમન પ્રસંગે ગુરૂકુળના સંકુલમાં સુંદર રંગોળી સજાવવામાં આવી હતી.
 

(12:11 pm IST)
  • અમદાવાદમાં પણ સવારે ધુમ્મસભર્યું વાતાવરણઃ અમદાવાદ-વડોદરા એકસપ્રેસ હાઇવે ઉપર વાહન ચાલકોને લાઇટો ચાલુ રાખવાની ફરજ પડી : રાજકોટઃ સૌરાષ્ટ્ર સહિત ગુજરાતભરમાં છેલ્લા બે-ત્રણ દિવસથી સવારે ઝાળકવર્ષા જોવા મળે છે. દરમિયાન આવે વ્હેલી સવારે અમદાવાદમાં ગાઢ ધુમ્મસ જોવા મળેલ તો અમદાવાદ એકસપ્રેસ હાઇવે ઉપર ધુમ્મસના પગલે વાહનચાલકોને ભારે પરેશાનીનો સામનો કરવો પડયો હતો. લાઇટો ચાલુ રાખી ધીમી સ્પીડે કાર ચાલકો વાહન ચલાવતા જોવા મળ્યા હતા. access_time 11:33 am IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 14,198 કેસ નોંધાયા :કુલ કેસની સંખ્યા 1,06,54,744 થઇ :એક્ટિવ કેસ 1,82,205 થયા: વધુ 14,675 દર્દીઓ સ્વસ્થ થતા કુલ 1,03,14 ,738 થયા :વધુ 144 લોકોના મોત સાથે કુલ મૃત્યુઆંક 1,53,365 થયા access_time 12:51 am IST

  • ભારત-ચીન સરહદ વિવાદ : ફરીથી શરૂ થશે વાતચીત, આગામી દિવસોમાં કોર્પ્સ કમાન્ડર સ્તરની બેઠક access_time 12:54 pm IST