Gujarati News

Gujarati News

News of Friday, 22nd November 2019

કલેકટરના મેગા કેમ્પ સંદર્ભે પૂર્વ મામલતદાર દ્વારા ઘરે-ઘરે વૃધ્ધ-વિધવા સહાયના ફોર્મ ભરવાનું શરૂ

R.K. યુનિ.ના પ૦ વિદ્યાર્થી સહિત કુલ ૧૦૦ લોકો દ્વારા ડોર ટુ ડોર સર્વે...

રાજકોટ તા. રરઃ રાજકોટ કલેકટર દ્વારા આગામી દિવસોમાં શહેરમાં વૃધ્ધ-વિધવા-નિરાધાર તથા અન્ય યોજનાઓ અંગે અરજદારો માટે એક મેગા કેમ્પનું આયોજન કરાયું છે. આ અંગે સર્વે શરૂ કરી દેવા-લોકોના ફોર્મ ભરાવા દરેક મામલતદારોને સુચના અપાઇ છે.

આ સંદર્ભે પૂર્વ વિસ્તારના મામલતદારશ્રીએ પોતાના વિસ્તારમાં આજથી R.K. યુનિ.ના પ૦ વિદ્યાર્થીઓ સહિત કુલ ૧૦૦ જેટલા લોકોની મદદથી ડોર ટુ ડોર સર્વે કરી વિધવા-વૃધ્ધ-નિરાધાર કે જેઓ ખરેખર સહાયને લાયક છે, તેમને ફોર્મ ભરાવાનું શરૂ કરી દીધું છે.આ વિસ્તારોમાં કૂબલીયાપરા, લાખાજીરાજ સ્ટેશન વિસ્તાર, શીવાજીનગર, ભગવતીપરા, ગંજીવાડા વિગેરેનો સમાવેશ થાય છે.

(3:30 pm IST)
  • મમતા બનર્જી અને શેખ હસીના વચ્ચે દ્વિપક્ષીય મુદ્દા પર વાતચીત : તિસ્તા નદી પર પાણીની વહેંચણી મુદ્દે સસ્પેન્સ : બાંગ્લાદેશના પ્રધાનમંત્રી શેખ હસીના અને પશ્ચિમ બંગાળના મુખ્યમંત્રી મમતા બેનર્જી સાથે એક કલાક ચર્ચા કરી : આ દરમિયાન બંનેએ દ્વિપક્ષીય મુદા પર ચર્ચાઓ કરી હતી access_time 1:11 am IST

  • સિયાચીનને પર્યટકો માટે ખોલવાના ભારતના નિર્ણંયથી પાકિસ્તાન ફફડ્યું : પાકિસ્તાને ફરીવાર કાશ્મીર રાગ આલાપ્યો : આર્ટિકલ 370 હટાવ્યા બાદથી નિવેદનબાજી કરતા પાકિસ્તાને ફરીવાર ભારત સામે ઝેર ઓક્યું : વિશ્વના સૌથી ઉંચા યુદ્ધ ક્ષેત્ર મનાતા સિયાચીનને પર્યટકો માટે ખુલ્લું મુકાવા માટે પાકિસ્તાને વાંધો ઉઠાવ્યો :પાકિસ્તાનના વિદેશ મંત્રાલયના પ્રવક્તા ડો,મોહમ્મ્દ ફૈઝલે કહ્યું કે સિયાચીન વિવાદી ક્ષેત્ર છે ત્યારે ભારત પર્યટકો માટે કેમ ખોલી શકે ? ફોટો siyachin access_time 1:05 am IST

  • મહારાષ્ટ્રમાં શિવસેના ,એન.સી.પી.અને કોંગ્રેસ વચ્ચેની મિટિંગ સંપન્ન : 5 વર્ષ સુધી સ્થિર સરકાર આપવા લીડર તરીકે ઉધ્ધવ ઠાકરેના નામ ઉપર સહમતી : શરદ પવાર access_time 7:35 pm IST