Gujarati News

Gujarati News

News of Friday, 22nd June 2018

બે લાખની ગાડીમાં 'દેશી' દારૂની પાંચ બાટલી સાથે અનિલ પકડાયો

ગાંધીગ્રામ પોલીસે ઘંટેશ્વરથી આગળ રેલ્વેના પુલ નીચેથી દબોચ્યો

રાજકોટ તા. ૨૨: ગાંધીગ્રામ પોલીસે નવલનગરના ખોજા શખ્સને કારમાં દેશી દારૂની બોટલો સાથે પકડી લીધો હતો.

પી.આઇ. એચ. આર. ભાટુની રાહબરીમાં પીએસઆઇ જી.એન. વાઘેલા, પ્રવિણભાઇ, શૈલેષભાઇ સહિતનો સ્ટાફ પેટ્રોલીંગમાં હતો ત્યારે જામનગર રોડ ઘંટેશ્વરના સ્મશાથી આગળ રેલ્વેના પુલ નીચેથી જીજે૩એચકે-૪૩૧૭ નંબરની ઇકો કારને અટકાવી તલાશી લેવામાં આવતાં કાચની ખુલેલા બુચવાળી દેશી દારૂ ભરેલી રૂ. ૭૫ની પાંચ બોટલો મળતાં તે તથા ૨ લાખની કાર કબ્જે કરી ચાલક નવલનગર-૯માં રહેતાં અનિલ નિજારઅલી ગીલાણી (ખોજા) (ઉ.૪૫)ની ધરપકડ કરી હતી.

થોરાળા પોલીસે ૧૦ બોટલ વિદેશી દારૂ કબ્જે કર્યો

થોરાળાના પી.આઇ. એસ. એન. ગડુની રાહબરીમાં એએસઆઇ ડી. કે. ડાંગર, કોન્સ. નિશાંતભાઇ પરમાર, મહેશભાઇ મંઢ, રોહિતભાઇ કછોટ, ધર્મેન્દ્રસિંહ સહિતની ટીમે ભાવનગર રોડ પરથી જશીબેન મનોજ કોળીના મકાનમાંથી રૂ. ૬૦૦નો બે બોટલ દારૂ કબ્જે કરી જશી વિરૂધ્ધ કાર્યવાહી કરી હતી. આ ઉપરાંત રાજમોતી મીલ પાછળ મયુરનગર-૬માંથી સુરેશ મગનભાઇ કોબીયાને  રૂ. ૨૪૦૦ના ૮ બોટલ સાથે પકડી લેવાયો હતો.

(12:44 pm IST)
  • અમદાવાદનાં પૂર્વ વિસ્તારોમાં ભારે પવન સાથે ઝાપટા : અમદાવાદના પૂર્વ વિસ્તારોમાં આજે સાંજે વરસાદનુ આગમન થતા વાતાવરણમા ઠંડક પ્રસરી ગઇ હતી. : નરોડા,નારોલ,વસ્ત્રાલ સહિતના વિસ્તારોમાં ભારે પવન ફુંકાયો હતો અને વરસાદી ઝાપટા વરસ્યા હતા.વરસાદ પડતા બફારામાંથી લોકોને રાહત મળી હતી. access_time 7:30 pm IST

  • જમ્મુ-કાશ્મીરમાં રાજ્યપાલ શાસન બાદ ગવર્નર એનએન વ્હોરાએ સર્વપક્ષીય બેઠક બોલાવી :ભાજપ અને પીડીપીની ગઠબંધન સરકાર તૂટી પડ્યાના એક દિવસ બાદ રાજ્યપાલ શાસન લાગુ :ભાજપે ટેકો પાછો ખેંચતા મહેબુબા મુફ્તીની સરકાર અલ્પમતમાં આવતા તેણીએ રાજીનામુ આપ્યું હતું access_time 12:58 am IST

  • મેહુલીયાએ બનાસકાંઠાનાં અમીરગઢ પંથકમાં કરી હાઉકલી : ભારે પવન સાથે પડ્યો વરસાદ : ગરમીથી લોકોને મળી રાહત access_time 5:39 pm IST