Gujarati News

રાજકોટ તા.૨૨: કોઠારિયા રોડ હુડકો કવાટર બાજુમાં રાજલક્ષ્મી સોસાયટી મેઇન રોડ પર રહેતા ભરવાડ પ્રૌઢે પાંચ દિવસ પહેલા ગળાફાંસો ખાઇ લીધો હતો. તેનું ગઇકાલે સારવાર દરમ્યાન મોત નિપજતા અરેરાટી વ્યાપી ગઇ છે.

મળતી વિગત મુજબ હુડકો કવાટર પાસે રાજલક્ષ્મી સોસાયટી મેઇન રોડ પર રહેતા કરશનભાઇ જામાભાઇ ભરવાડ (ઉ.વ.૫૦)એ ગત તા.૧૮/૨ના રોજ પોતાના ઘરે ગળાફાંસો ખાઇ લીધો હતો. બાદ તેને સારવાર માટે સિવિલ હોસ્પિટલમાં ખસેડાયા હતા. ત્યાં તેનું ગઇકાલે સારવાર દરમ્યાન મોત નિપજ્યુ હતુ. મૃતક કરશનભાઇ હુડકો પાસે શાકમાર્કેટમાં થડો રાખી ધંધો કરતા હતા. તેને ત્રણ પુત્રી અને એક પુત્ર છે ચોથા મહિનામાં દીકરા-દીકરીના લગ્ન હોઇ અને આર્થિક પરિસ્થિતી નબળી હોવાથી તેની ચિંતામાં તેણે આ પગલુ ભર્યાનું ખુલ્યુ હતુ આ અંગે ભકિતનગર પોલીસમથકના પીએસઆઇ એમ.ડી.વાળા, રાઇટર મનહરદાન ગઢવી, નિલેષભાઇ તથા સુભાષભાઇ ડાંગરે તપાસ આદરી છે.