Gujarati News

Gujarati News

News of Saturday, 21st November 2020

હાલ રાજકોટ જીલ્લામાં એક પણ ખાનગી હોસ્પિટલ બંધ નહીં થવા દેવાય : સ્થિતિ કાબુમાં જ છે

જે પાંચ હોસ્પિટલને પ૦ ટકા બેડ અંગે બંધની મંજુરી અપાઇ છે તે પણ જરૂર પડયે લઇ લેવાશે : કોરોનાની બીજી લહેર અંગે ડીસેમ્બરના પ્રથમ વીકમાં જાણી શકાશે : કલેકટરની 'અકિલા' સાથે વાતચીત

રાજકોટ, તા.ર૦ : જીલ્લા કલેકટર શ્રી રેમ્યા મોહને આજે સવારે 'અકિલા' સાથેની ટેલીફોનિક વાતચીતમાં જણાવ્યું હતું કે, હાલ શહેર-જીલ્લામાં કોરોના અંગે એવી કોઇ સ્થિતિ ગંભીર નથી, સ્થિતિ કાબુમાં જ છે અને વિસ્તારવાઇઝ દરેક પ્રાંત મામલતદાર તથા પોલીસની ટીમો દ્વારા રિવ્યુ લેવાઇ રહ્યા છે. સોશ્યલ ડીસ્ટન્સ-માસ્ક અંગે આજથી જ ખાસ ચેકીંગ શરૂ કરી દેવાયું છે.

હોસ્પિટલો અંગે આજે ફરી તેમણે કહ્યું હતું કે, એક પણ ખાનગી હોસ્પિટલને બંધ નહીં થવા દેવાય, જે કોવિડ-૧૯ હોસ્પિટલ છે, ત્યાં દર્દી જશે તો તે હોસ્પિટલે દર્દીને લેવા જ પડશે, કોઇ ના નહિ પાડી શકે. તેમણે જણાવેલ કે જે પ મૂળ હોસ્પિટલને પ૦ ટકા બેડ સંદર્ભે બંધની મંજુરી અપાયેલ તે હોસ્પિટલને પણ કહી દેવાયું છે, કે આ તમામ પાંચેય હોસ્પિટલ જરૂર પડયે તંત્ર લઇ લેશે, તે અંગે ચેકીંગ કરવા ટીમોને સૂચના આપી છે.

કોરોનાની આ બીજી લહેર-તબક્કો ગણી શકાય કે કેમ તે અંગે કલેકટરે જણાવેલ કે ના એવું નથી, આ કહેવુ વહેલુ છે, લોકો તહેવારોમાં બહાર નીકળ્યા, ટોળા થયા, તેના કારણે કેસોમાં વધારો થયો છે, કોરાનાની બીજી લહેર-તબક્કો આવ્યો છે કે કેમ તે અંગે ડીસેમ્બરના પહેલા વીકમાં જાણી શકાશે, હાલ તો તમામ સરકારી-ખાનગી હોસ્પિટલોના ડોકટરો-નર્સને એલર્ટ રહેવા, રજા નહિ લેવા સૂચના અપાઇ ગઇ છે.

(3:05 pm IST)
  • અરવલ્લી જિલ્લાનું ધનસુરા 48 કલાકમાં 30થી વધુ કેસ આવતા 23 નવેમ્બર સુધી જનતા કરફયુ : આજથી સજ્જડ બંધ રહેશે access_time 11:20 pm IST

  • પેટ્રોલમાં ૧૫ પૈસા અને ડિઝલના ભાવમાં ૨૨ પૈસાનો વધારોઃ પેટ્રોલ ડીઝલના ભાવમાં આજે બીજા દિવસે પણ વધારો થયો છે. પેટ્રોલમાં ૧૫ પૈસા અને ડીઝલનાં ભાવમાં પ્રતિ લિટરે ૨૨ પૈસાનો વધારો થયો છે. ભાવ વધારો આજે સવારે ૬ વાગ્યાથી લાગુ થયો છે. access_time 11:38 am IST

  • ચીનના ૧૪ વર્ષના છોકરા રેન કેયુએ દુનિયાના ટોલેસ્ટ ટીનેજર (મેલ) નો ખિતાબ મેળવ્યો છે. તે ૭ ફુટ ૩.૦ર ઇંચ ઊંચો છે. ગિનેસ વર્લ્ડ રેકોડ્ર્સે તેના આ વિક્રમને માન્યતા આપી દીધી છે. access_time 11:38 am IST