Gujarati News

રાજકોટઃ શહેરના ગંગોત્રી પાર્ક મેઇન રોડ પર શિલ્પન ઓનેસ્ટ બી-૨ સાતમા માળે ફલેટ નં. ૭૦૧માં રહેતાં રમાબેન વૃજલાલભાઇ રોજીવાડીયા (ઉ.વ.૬૬) નામના વૃધ્ધાએ સાતમા માળેથી પડતું મુકી જિંદગી ટુંકાવી લેતાં પરિવારમાં અરેરાટી વ્યાપી ગઇ છે. બનાવની જાણ થતાં યુનિવર્સિટી પોલીસ મથકના સાજીદભાઇ ખીરાણી તથા અનુજભાઇ ડાંગર સહિતે ઘટના સ્થળે પહોંચી જરૂરી કાર્યવાહી કરી હતી.

પોલીસ તપાસમાં ખુલ્યા મુજબ રમાબેનને સંતાાનમાં બે પુત્રો છે. જેમને મેટોડામાં ફેકટરી છે. રમાબેનના પતિ વૃજલાલભાઇ પણ હયાત છે. છેલ્લા ઘણા વર્ષથી રમાબેનને કમરનો દુઃખાવો, વા સહિતની બિમારીઓ લાગુ પડી હોઇ કંટાળી જઇ આ પગલુ ભર્યાનું ખુલ્યું હતું. તેમણે લખેલી સ્યુસાઇડ નોટમાં પણ પોતે બિમારીથી ખુબ કંટાળી ગયાનો ઉલ્લેખ છે. ફલેટની ગેલેરીમાં ખુરશી લાવી ખુરશી પર બેસી ટેકો લઇ નીચે પડતું મુકયાનું તપાસમાં ખુલ્યું છે.