Gujarati News

રાજકોટઃ ભોમેશ્વરવાડી શેરી નં.રમાં રક્ષિત એપાર્ટમેન્ટમાં રહેતા રોશનબેન જાદવ, મુસ્તાકભાઇ જાદવે ટાઉન પ્લાનીંગ ઓફીસરને તેઓનું કાયદેસરની પરવાનગીવાળા પાંચ માળનાં બિલ્ડીંગ અડો-અડ હુશેનભાઇ ભારમલ નામના વ્યકિતએ બાંધકામ શરૂ કરેલ છે પરંતુ નિયમોને નેવે મૂકી આ બાંધકામ શરૂ કરાયુ હોઇ પાંચ માળનું બિલ્ડીંગ ભયગ્રસ્ત થયાની ફરિયાદ કરી છે.

ફરિયાદમાં જણાવાયુ છે કે આ પ્રકારે નિયમ વગરનાં બાંધકામથી બિલ્ડીંગમાં તિરાડો પડી છે અને બિલ્ડીંગ જોખમી બન્યુ છે ત્યારે તાત્કાલીક આ નિયમ વિરૂધ્ધ થઇ રહેલ બાંધકામ અટકાવવા યોગ્ય પગલા લેવા ફરિયાદીઓએ રજૂઆત કરી છે. તસ્વીરમાં ભયગ્રસ્ત બનેલ પાંચ માળનું બિલ્ડીંગ અને તેને અડો-અડ ઉંડા ખાડા ખોદીને શરૂ થયેલ બાંધકામ તેમજ તેના કારણે બિલ્ડીંગમાં પડી ગયેલી તિરાડો વગેરે દર્શાય છે. આ ફોટોગ્રાફ સહીત ટી.પી.ઓને રજુઆત કરાઇ છે.