Gujarati News

Gujarati News

News of Wednesday, 15th May 2019

વીર હનુમાન ચોકમાં શનિવારે માતાજીનો માંડવો

મંદિરના લાભાર્થે વીર હનુમાન ગ્રુપનું આયોજન : વાજતે ગાજતે માતાજીના સામૈયા કરાશે

રાજકોટ તા. ૧૫ : વીર હનુમાન ગ્રુપ દ્વારા તા. ૧૮ ના શનિવારે શ્રી ખોડીયાર માતાજી તથા શ્રી મોમાઇ માતાજીના પંચાવ માંડવાનું આયોજન કરાયુ છે.

આ અંગે 'અકિલા' ખાતે વિગતો વર્ણવતા વીર હનુમાન ગૃપના આગેવાનોએ જણાવેલ માર્કેટીંગ યાર્ડ હુડકો કવાર્ટર, ઉંચા પાણીના ટાકા પાસે, આર.ટી.ઓ. પાછળ આવેલ વીર હનુમાન ચોકમાં તા. ૧૮ ના શનિવારે મંદિરના લાભાર્થે શ્રી ખોડીયાર માતાજી અને શ્રી મોમાઇ માતાજીના પંચાવ માંડવાનું આયોજન કરાયુ છે.

જેમાં થાંભલી રોપણ શનિવારે સવારે ૭.૩૦ વાગ્યે, માતાજીના સામૈયા સવારે ૯ વાગ્યે, સાંજે ૭ વાગ્યે મહાપ્રસાદ અને બીજા દિવસે રવિવારે સવારે ૭.૩૦ વાગ્યે થાંભલી વધાવવાનું મુહુર્ત નિરધારવામાં આવ્યુ છે.

કલમના ભુવાશ્રી તરીકે રાજુબાપુ અને રાવળ દેવ તરીકે ધર્મેશભાઇ રાવળ ઉપસ્થિત રહેશે.

સમગ્ર આયોજનમાં બજરંગ મિત્ર મંડળ, ઓધવરામ યુવા ગ્રુપ, ન્યુ બાપાસીતારામ ગ્રુપ, જે. એમ. જે. ગ્રુપ, શિવશકિત મહિલા ધૂન મંડળ, આશાપુરા ગરબી મંડળ, આશાપુરા પદયાત્રી ગ્રુપ, ગીરીરાજ ગ્રુપ સહયોગી બનેલ છે.

કાર્યક્રમોને સફળ બનાવવા વીર હનુમાન ગ્રુપના ભુપતભાઇ રાજવીર, લીલાભાઇ ખરગીયા, દીલીપભાઇ ઝીંઝુવાડીયા, ભુપતભાઇ બારૈયા, માવજીભાઇ ભાનુશાળી, જેહાભાઇ સુસરા, સજુભા જાડેજા, મુકેશભાઇ ધનસોતા, સુભાષભાઇ જોષી, હિરાભાઇ ઝાપડા વગેરે જહેમત ઉઠાવી રહ્યા છે.

ધર્મપ્રેમીજનોએ માતાજીના માંડવામાં દર્શન પ્રસાદનો લાભ લેવા વીર હનુમાન ગ્રુપ દ્વારા અનુરોધ કરાયો છે.

તસ્વીરમાં 'અકિલા' ખાતે વિગતો વર્ણવતા બળવંતભાઇ કારીયા, ભાવેશભાઇ ભાનુશાળા (મો.૮૧૪૧૫ ૨૮૯૯૯), રોહીતભાઇ પરમાર (મો.૯૬૦૧૦ ૦૯૧૨૩) નજરે પડે છે. (તસ્વીર : વિક્રમ ડાભી)

(3:27 pm IST)
  • ઘંટેશ્વરમાં જીલ્લા કોર્ટ સંકુલ અંગે હાઈકોર્ટની ટીમ રાજકોટમાં: સર્વે શરૂ : ઘંટેશ્વર સર્વે નં. ૧૪૦માં નવુ અદ્યતન જીલ્લા કોર્ટ સંકુલ બનાવવા અંગે આજે હાઈકોર્ટના જજો અને તેમની ટીમ રાજકોટ આવી છે, કલેકટર તંત્રના સર્કલ ઓફિસર દ્વારા જમીન અંગે માહિતી અપાઈઃ કુલ ૧૫ એકર જગ્યા અગાઉ પ્લાન મુકાયા છેઃ આજે સર્વે-સમીક્ષા બાદ નવા બિલ્ડીંગ અંગે નિર્ણય લેવાશે access_time 3:29 pm IST

  • સાંજે કલેકટર કચેરીમાં સૂચિત સોસાયટી અંગે મહત્વની બેઠકઃ વધારાની ૯૦૦ અરજીઓ અંગે લેવાશે નિર્ણય : રાજ્ય સરકારે સૂચિત સોસાયટીમાં ૨૦૦૫ની કટ ઓફ ડેઈટ નક્કી કરતા રાજકોટની ૮૦ સોસાયટીમાં નાયબ મામલતદારો દ્વારા સર્વે કરાયોઃ કુલ ૯૦૦થી વધુ અરજીઓ ઉમેરાશેઃ સાંજે કલેકટર કચેરી ખાતે આ અંગે મહત્વની બેઠકઃ સૂચિતની કામગીરી કરતા નાયબ મામલતદારો - મામલતદારોને તેડુ access_time 3:29 pm IST

  • મમતા બેનર્જીના ચૂંટણી પ્રચાર પર પ્રતિબંધ મુકવા ભાજપની માંગણી :દિલ્હીમાં ભાજપના પ્રતિનિધિ મંડળે ચૂંટણી આયોગ સમક્ષ રજુઆત કરી ;ભાજપે આક્ષેપ કર્યો કે મમતા બેનર્જીએ ભાજપને નિશાન બનાવવા હિંસામાં સહભાગી થયા છે :તેણીએ ટીએમસીના કાર્યકરોને હુમલો કરવા ઉશ્કેર્યા હતા access_time 1:27 am IST