Gujarati News

Gujarati News

News of Friday, 20th November 2020

રાજકોટથી અમદાવાદ જતી તમામ એસટી - એકસપ્રેસ બસ અને વોલ્વો આજે બપોરે ૩ વાગ્યાથી બંધ : સોમવાર સુધી બંધ રાખવાની જાહેરાત

અન્ય શહેરમાંથી રાજકોટ થઈને અમદાવાદ જતી બસો પણ અમદાવાદ સુધી નહિં જાય : સોમવારે વ્હેલી સવારે ૩ વાગ્યાથી એસટીનો ટ્રાફીક અમદાવાદ માટે બપોરે ૩ સુધી ચાલુ રહેશે

રાજકોટ, તા. ૨૦ : અમદાવાદમાં કોરોનાનો રાફડો ફાટતા અને સોમવાર સુધી કર્ફયુની જાહેરાત થતાં આજે બપોરે ૩ વાગ્યાથી રાજકોટથી અમદાવાદ જતી તમામ એસટી અને વોલ્વો બસ બંધ કરી દેવાઈ છે. વડી કચેરીએ સુચના આપતા એસટીના નવા બસપોર્ટ ઉપર આ જાહેરાત કરી દેવાઈ છે અને બોર્ડ પણ લગાવી દેવાયા છે.

રાજકોટથી અમદાવાદ સુધીની દર કલાકે વોલ્વો દોડતી હતી. તે બપોરે ૩ વાગ્યાથી બંધ કરી દેવાની સુચના અપાઈ છે. તેવી જ રીતે અમદાવાદ જતી તમામ એકસપ્રેસ પણ આજે બપોરે ૩ વાગ્યા બાદ રાજકોટથી નહિં ઉપડે.

જામનગર-અમદાવાદ, ભાવનગર-અમદાવાદ વિવિધ શહેરમાંથી રાજકોટ થઈને જતી બસ પણ અમદાવાદ સુધી નહિં જાય તેવી જાહેરાત કરી દેવામાં આવી છે. સોમવારે સવારે ૯ વાગ્યાથી અમદાવાદનો ટ્રાફીક રાજકોટથી શરૂ થશે. જે બપોરે ૩ વાગ્યા સુધી જ ચાલુ રહેશે તેવુ એસટીના ડિવીઝનલ અધિકારીઓએ અકિલા સાથેની વાતચીતમાં જણાવ્યુ હતું.

(3:04 pm IST)
  • ફેબ્રુઆરીમાં મેડિકલ કર્મચારી અને સિનિયર સિટીઝન માટે તથા એપ્રિલમાં દેશભરની પ્રજા માટે ઓકસફર્ડ કોરોના વેકસીન મળતી થઈ જશે : ભારતમાં ઓકસફર્ડ કોવિડ વેકિસન કોરોના વોરિયર્સ/ હેલ્થ કેર કર્મચારીઓ તથા સિનિયર સિટીઝનોને ૨૦૨૧ના ફેબ્રુઆરી આસપાસ મળતી થઈ જશે. જયારે દેશની સામાન્ય પ્રજા માટે એપ્રિલ સુધીમાં ઓકસફર્ડ કોરોના વેકિસન મળવા લાગશે. તેના બે ડોઝની વધુમાં વધુ કિંમત ૧૦૦૦ રૂપિયા આસપાસ રહેશે તેમ સિરમ ઈન્સ્ટીટયૂટ ઓફ ઇન્ડિયાના સીઈઓ અદર પુનાવાલાએ કહ્યું છે. access_time 12:52 pm IST

  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • આંધ્રમાં 25 સ્થળોએ સીબીઆઈ ત્રાટકી:આંધ્ર પ્રદેશમાં સીબીઆઈએ ૨૫ સ્થળો ઉપર સર્ચ ઓપરેશન હાથ ધર્યું છે. આ સર્ચ ઓપરેશનમાં તેલુગુ દેશમ પાર્ટીના ભૂતપૂર્વ ધારાસભ્યનો પણ સમાવેશ થાય છે access_time 11:12 pm IST