Gujarati News

Gujarati News

News of Saturday, 20th October 2018

રઘુવંશી પરિવાર રાસોત્સવ સંપન્નઃ પ્રિન્સ કેવિન ભીમાણીઃ પ્રિન્સેસનો તાજ કોમલ ભોજાણીના શીરે

રાજકોટઃ રઘુવંશી પરિવાર – રાજકોટ દ્વારા પ્રથમ વાર ''અકિલા રઘુવંશી પરિવાર રાસોત્સવ– ૨૦૧૮'' ના ફકત સમાજનાં ખેલૈયાઓ માટે થયેલ આયોજનમાં નવલાં નોરતાના નવ દિવસો દરમ્યાન સમાજનાં ૬ વર્ષ થી માંડીને ૬૦ વર્ષ સુધીના તમામ ખેલૈયાઓએ રાસ – ગરબાની રમઝટ બોલાવી હતી.

માં જગદંબાની આરતીથી શરૂ કરી, વિધ્નહર્તા ગણપતિ દાદાની સ્તુતિથી મેગા ફાઇનલનો પ્રારંભ થયો હતો, ઢોલ ઉપર પ્રથમ દાંડી જયાં પડી ત્યાં જ શરણાઇઓના સૂર છેડાયા અને સુમધુર કોકિલ કંઠેથી શરૂ થયું, મને વ્હાલું લાગે જલારામનું નામ..., તન મન ધન બાપાના ચરણોમાં..., મારૂ મન મોર બની થનગનાટ કરે..., ઓધાજી મારા વાલાને..., આલા લીલા વાંસળીયા રે વગાડો..., વાંકી વળું તો મારી કેડ વળી જાય...નીચી નમું તો મારી ડોક નમી જાય..., અને એ સાથે જ નવ દિવસ સુધી બનેલા પ્રિન્સ – પ્રિન્સેસ ઝૂમી ઉઠ્યા. બાળખેલૈયાઓથી માંડી ને સિનિયર સિટીઝન સુધીના તમામ ખેલૈયાઓએ જોરદાર રસાકસી ભરેલા વાતાવરણમાં રાસની એવી રમઝટ બોલાવી હતી. દરેક ગ્રૂપના ખેલૈયાઓમાંથી બેસ્ટ ઓફ બેસ્ટની પસંદગી માટે નિર્ણાયકોએ ખેલૈયાઓને અલગ – અલગ રાઉન્ડમાં રમાડેલ હતા.

રઘુવંશી પરિવારના મેગા ફાઇનલમાં જજ તરીકે કિર્તિ શિંગાળા, મેહુલ રાડીયા, ઈલેશ મહેતા, રીધીશ નાંઠા, ફાલ્ગુની શાહ, ધામી ભટ્ટ,  હેતલ દવે, નિરાલી દવેએ અલગ – અલગ ગ્રૂપમાં સેવા આપી હતી.

આજના મેગા ફાઇનલમાં બેસ્ટ ઓફ ધી બેસ્ટ રઘુવંશી ખેલૈયાનો તાજ કિંગ કેવિન ભીમાણી (હોન્ડા બાઈક) તેમજ કિવન કોમલ ભોજાણી (એકટીવા - આઈ) ને મળેલ હતો. ગ્રુપ એ (જેન્ટસ) માં મીત કારીયા (વોશિંગ મશીન), જીત પોપટ (સાઇકલ), વિશેષ ઉનડ્કટ (૩૨ ઇંચનું LED TV), પાર્થ દાવડા (ડાઈનિંગ ટેબલ) તથા (લેડીઝ)માં ઋત્વી નથવાણી (૩૨ ઇંચનું LED TV), ધાર્મી પોપટ (સાઇકલ), ફ્લોરેશ વિમાણી (વોશિંગ મશીન), પલ કારીયા (૩૨ ઇંચનું LED TV), રીયા બુદ્ઘદેવ(ફ્રીઝ) તેમજ ગ્રૂપ બી (જેન્ટસ)માં સંસ્કાર તન્ના (વોશિંગ મશીન), અલ્પેશ અઢીયા (૩૨ ઇંચનું LED TV), રોનક સેજપાલ(ફ્રીઝ) તથા (લેડીઝ)માં થ્વિશા કારીયા (૩૨ ઇંચનું LED TV), પુજા ઓંધિયા (ડાઈનિંગ ટેબલ), ભૂમિ પંચમતિયા (વોશિંગ મશીન) ના  ઈનામો અપાયા હતા. સીટી  ન્યુઝનાં શ્રી નિતિનભાઈ નથવાણી દ્વારા આ સમગ્ર રાસોત્સવને આર. સી. સી - ડેન નેટવર્કની ચેનલ નંબર ૪૬૪ પરથી સમગ્ર રાજકોટમાં પ્રસારિત કરવામાં આવેલ.

રઘુવંશી પરિવાર રાસોત્સવ – ૨૦૧૮ને સફળ બનાવવા રઘુવંશી પરિવારના અગ્રણીઓ સર્વેશ્રી  પરેશભાઈ વીઠલાણી,  હસુભાઈ ભગદેવ, પ્રતાપભાઈ કોટક,  રાજુભાઇ રૂપમ, શૈલેષભાઈ પાબારી, રાકેશભાઈ પોપટ, પ્રકાશભાઈ સોમૈયા, શિલ્પાબેન પૂજારા, શીતલબેન બુદ્ઘદેવ, તરુબેન ચંદારાણાં તેમજ રઘુવંશી પરિવારની યુવા ટીમ કૌશિકભાઈ માનસત્તા, કલ્પેશભાઇ તન્ના, કલ્પેશભાઇ બગડાઈ, ધર્મેશભાઈ વસંત, મેહુલભાઈ નથવાણી, ઉમેશભાઈ સેદાણી, વિમલભાઈ વડેરા, અશ્વિનભાઈ જોબનપુત્રા, ડો. હાર્દીપભાઈ રૂપારેલ, જતીનભાઈ દક્ષીણી, પિન્ટુભાઈ માણેક, નિશિતભાઈ જીવરાજાની, હાર્દિક ચાંદ્રાણી, દર્શીત રુપારેલિયા, મયુરભાઈ અનડ્કટ, સમીરભાઈ રાજાણી, કિરીટભાઇ કેસરિયા, અશ્વિનભાઈ બુદ્ઘદેવ, અમિતભાઈ અઢીયા, મનોજભાઇ ચતવાણી, ભરતભાઈ જલીયાણ, ધવલ પાબારી, હિરેનભાઇ કારીયા, વિપુલભાઈ કારીયા, મોહિત નથવાણી, કેજસ વિઠલાણી, હિમાંશુ કારીયા, ધનેશભાઈ જીવરાજાની, કાનાભાઇ સોનછત્રા, મહેશભાઇ કકકડ, વિજયભાઈ મહેતા, નિલેષભાઈ જોબનપુત્રા, યશ અજાગીય, દર્શન કક્કડ) વગેરેએ જહેમત ઉઠાવી હતી.

(4:01 pm IST)
  • ટ્રેન દુર્ઘટના બાદ નવજોત કૌર સિદ્ધુ હોસ્પિટલ પહોંચ્યા :દુર્ઘટના બની ત્યારે મેં સ્થળ છોડી દીધું હતું :ઇજાગ્રસ્તોને સારવાર મળે તેને પ્રાધાન્ય આપવું જોઈએ :જે લોકો આ બનાવ પર રાજકારણ કરી રહ્યા છે તેઓ શરમ આવવી જોઈએ;વિપક્ષના આક્ષેપનો નવજોત કૌર સિદ્ધુનો આકારો જવાબ access_time 1:10 am IST

  • રાજ્યમાં સ્વાઈન ફ્લૂનો કેર યથાવત્: સ્વાઈન ફ્લૂના વધુ 27 કેસ નોંધાયા: અમદાવાદમાં 16 અને વડોદરામાં 3 કેસ નોંધાયા. access_time 5:32 pm IST

  • સુરત: શહેરમાં સ્વાઈન ફ્લુમાં વધુ 3 કેસ પોઝિટિવ:સ્વાઈન ફ્લૂના પોઝિટિવ કેસની સંખ્યા 112 થઈ:પનાસના 20 વર્ષીય યુવકનો રિપોર્ટ પોઝિટિવ:વેસુની 30 વર્ષની મહિલાનો રિપોર્ટ પોઝિટિવ:વેસુના 59 વર્ષીય પુરુષનો પોઝિટિવ રિપોર્ટ:22 દર્દીઓ હજુ સારવાર હેઠળ: 1ને ડિસ્ચાર્જ કરાયા access_time 9:44 pm IST