Gujarati News

Gujarati News

News of Sunday, 20th May 2018

રાજકોટમાં રંગોલીપાર્ક આવાસ યોજના ક્વાર્ટરમાં અચાનક લિફ્ટ તૂટી : ત્રણ બાળકોનો બચાવ

14 માળની બિલ્ડિંગમાં ચોથા માળેથી ચાર બાળકો લિફ્ટ બહાર નીકળ્યાને મોટો ધડાકો

રાજકોટ : શહેરના કાલાવડ રોડ પર આવેલા રંગોલીપાર્ક આવાસ યોજના ક્વાર્ટર્સમાં અચાનક લિફ્ટ તૂટી પડી હતી 14 માળની બિલ્ડિંગના ચોથા માળે 4 બાળકો લિફ્ટમાંથી બહાર નીકળ્યાની સેકન્ડોમાં એક મોટો ધડાકો થયો હતો. જેમાં લિફ્ટ ચોથા માળેથી છેક નીચે પટકાયા બાદ ફરીથી ઉછળીને ત્રીજા માળે આવી ફંસાઈ ગઇ હતી. અને સદનસીબે ચારેય બાળકો સાથે મોટી દુર્ઘટના થતા સહેજમાં અટકી હતી.

  સમગ્ર ઘટનાથી રંગોલીપાર્કના લોકો થોડીવાર માટે સ્તબ્ધ થઇ ગયા હતા. બીજીતરફ હાઉસીંગના અધિકારીઓ દ્વારા મામલાને ઢાંકપીછોડો કરવાનો પ્રયાસ કરાયો હતો. અને છેક મોડીસાંજે લિફ્ટ ઇન્સપેક્ટરને જાણ કરી હતી. જે અંતર્ગત આજે સ્થાનિકો તાલુકા પોલીસ સ્ટેશને પહોંચ્યા હતા. અને રજૂઆત કરી હતી.

(6:33 pm IST)
  • એફ્રોએશિયા બેંક ગ્લોબલ વેલ્થ માઇગ્રેશન રિવ્યુ' ના હેવાલ મુજબ 8,230 અબજ ડોલરની સંપત્તિ સાથે ભારત વિશ્વનો છઠ્ઠો સૌથી ધનિક દેશ છે. આ યાદીમાં અમેરિકા 62,584 અબજ ડોલરની સંપત્તિ સાથે ટોચ પર છે. ત્યાર બાદ 24,803 અબજ ડોલરની સંપત્તિ સાથે ચીન બીજા ક્રમે અને 19,522 અબજ ડોલરની સંપત્તિ સાથે જાપાન ત્રીજા ક્રમે છે. access_time 5:52 am IST

  • ગુજરાતમાં ધોરણ-3ના 41 ટકા વિદ્યાર્થીઓ 999 સુધીના આંકડા લખી અને વાંચી શકતા નથી. ધોરણ - 5ના 41 ટકા વિદ્યાર્થીઓ 1000થી મોટા આંકડા લખી-વાંચી શકતા નથી. ધોરણ 3,5 અને 8ના 40 ટકા વિદ્યાર્થીઓ ગણિત, પર્યાવરણ અને ભાષાના જવાબ આપી શકતા નથી. ધોરણ-3ના 50 ટકા, ધોરણ 5માં 53 ટકા શિક્ષકો ભણ્યા હોય તેનાથી જુદો વિષય ભણાવે છે તેમ ગુજરાત કોંગ્રેસના પ્રવક્તા ડો. મનિષ દોશીએ જણાવ્યું હતું. access_time 6:19 am IST

  • સૌથી ઓછા સમય સુધી સીએમ રહેનાર શિબૂ સોરેન પછી બીજા નેતા બન્યા યેદુરપ્પા : યેદુરપ્પા ભલે કર્ણાટકના સીએમ ના બની શકયા પરંતુ તેઓએ સૌથી ઓછા સમય માટે ખુર્શી પર ટકી રહેનાર ઝારખંડના શિબૂ સોરેનનો રેકોર્ડ તોડી નાંખ્યો છે. 2 માર્ચ 2005માં મુખ્યમંત્રી પદે શપથ લેનાર શિબૂ સોરેને ફ્લોર ટેસ્ટ પહેલા જ 12 માર્ચ 2005ના રોજ મુખ્યમંત્રી પદેથી રાજી નામું આપી દીધુ હતુ. ત્યારે યેદુરપ્પાએ મુખ્યમંત્રીના શપથ ગ્રહણ કર્યાના 57 કલાકમાં જ રાજીનામું આપી દીધુ. access_time 12:42 am IST