Gujarati News

રાજકોટઃ નવા વર્ષમાં એક બીજાને મળીને શુભેચ્છા પાઠવવાના હેતુસર શ્રી ખોડલધામ સાઉંથ ઝોન સમિતિ- રાજકોટ અને શ્રી ખોડલધામ નોર્થ-વેસ્ટ ઝોન સમિતિ- રાજકોટ દ્વારા તા.૧૯ રવિવારના રોજ અલગ અલગ બે સ્થળે ભવ્ય સ્નેહમિલન કાર્યક્રમનું આયોજન કરવામાં આવ્યું છે. આ સ્નોહ મિલન કાર્યક્રમમાં શ્રી ખોડલધામ ટ્રસ્ટ-કાગવડના ચેરમેનશ્રી નરેશભાઈ પટેલ હાજરી આપશે.
જેમાં સૌ પ્રથમ સ્નેહ મિલન કાર્યક્રમ શ્રી ખોડલધામ સમિતિ સાઉંથ ઝોન- રાજકોટ દ્વારા સાંજે ૪ કલાકે રાજકોટના કોઠારીયા મેઈન રોડ પર, હરિધવા રોડ પરના નવનીત હોલ ચોક ખાતે આયોજિત કરાયું છે. શ્રી ખોડલધામ સમિતિ સાઉંથ ઝોન- રાજકોટ  શહેરના વોર્ડ નંબર ૧૪, ૧૫, ૧૬, ૧૭, ૧૮ના લેઉંવા પટેલ પરિવારને જાહેર આમંત્રણ અપાયું છે. જ્યારે બીજું સ્નોહ મિલન શ્રી ખોડલધામ સમિતિ નોર્થઝોન-વેસ્ટઝોન રાજકોટ દ્વારા સાંજે ૫ કલાકે રાજકોટના ૧૫૦ ફૂટ રીંગ રોડ પર નાના મૌવા સર્કલ પાસેના મિલેનિયમની બાજુના ગ્રાઉંન્ડમાં  વોર્ડ નંબર- ૧,૨,૩,૮,૯,૧૦,૧૧,૧૨,૧૩ના લેઉંવા પટેલ પરિવારને જાહેર આમંત્રણ અપાયું છે.