Gujarati News

Gujarati News

News of Thursday, 18th October 2018

સરકારની એકતા યાત્રા રરમીએ રાજકોટમાં : રોજ બે વોર્ડમાં ફરશે

રાજકોટ, તા. ૧૭ : રાજય સરકાર દ્વારા કેવડિયા કોલોનીમાં પ૮ર ફૂટ ઉંચી સરદાર પ્રતિમા (સ્ટેચ્યુ ઓફ યુનિટ)નું તા. ૩૧મીએ અનાવરણ થનાર છે તે નિમિતે સરદાર પટેલનો સંદેશ ઘરેઅઘરે પહોંચાડવા તા. ર૦મીથી પ્રથમ તબક્કાની એકતા યાત્રા શરૂ થનાર છે. આ યાત્રા તા. રરમીએ રાજકોટ આવી પહોંચશ. તા. ૩૦મી સુધી દરરોજ બબ્બે વોર્ડમાં ફરશે. ૯ દિવસમાં સમગ્ર શહેરના બધા વોર્ડ આવરી લેવામાં આવશે.

એકતા યાત્રા માટે સરકારે ખાસ રથ તૈયાર કર્યા છે. રાજકોટમાં યાત્રાના પ્રારંભ અથવા સમાપન પ્રસંગે રાજય કે કેન્દ્રના મંત્રી અથવા ટોચના મહાનુભાવ ઉપસ્થિત રહેશે. પ્રમુખ કમલેશ મિરાણીના માર્ગદર્શન હેઠળ યાત્રાના સ્વાગત અને પરિભ્રમણ માટે તૈયારી ચાલી રહી છે.

સ્ટેચ્યુ ઓફ યુનિટી વિશ્વની સૌથી ઉંચી પ્રતિમા છે. એક ભારત, શ્રેષ્ઠ ભારતના સ્વપ્નદૃષ્ટા સરદાર પટેલના રાષ્ટ્ર માટેના યોગદાનને જનજન સુધી પહોંચાડવા માટે અને અખંડ ભારતનો સંદેશ ફેલાવવા રાજયના ૧૦ હજાર ગામોમાં બે તબક્કે એકતા યાત્રા નીકળનાર છે. પ્રથમ તબક્કે તા. ર૦થી ૩૦ ઓકટોબર અને બીજો તબક્કો તા. ૧રથી ર૧ નવેમ્બર સુધી યોજાનાર છે. (૮.૧૭)

(3:30 pm IST)
  • મહેસાણા :શક્તિપીઠ બહુચરાજીમાં સવારી નીકળી:બહુચરાજીમાં પરંપરાગત માતાજીની સવારી નીકળી:નિજ મંદિરમાં શાસ્ત્રોક્ત પૂજા અર્ચના કરવામાં આવી:ગાયકવાડ વખતની પરંપરા મુજબ પૂજા-અર્ચના કરાઈ:શાહીઠાઠમાં માતાજીની સવારીની પૂજા અર્ચના :પોલીસ દ્વારા ગાર્ડ ઓફ ઓનર આપવામાં આવ્યું access_time 1:45 pm IST

  • ભારતની ચિંતા વધારશે ચીન :બ્રહ્મોસ મિસાઇલથી પણ બહેતર મિસાઈલ પાકિસ્તાનને આપશે :પાકિસ્તાન ચીન પાસેથી સુપરસોનિક મિસાઈલ ખરીદે તેવી શકયતા :ચીનના સરકારી મીડિયા મુજબ ચીન દ્વારા પાકિસ્તાન સાથે સૌથી મોટો ડ્રોન સોદો કરવાની જાહેરાત કરશે ;આગામી 3જી નવેમ્બરે પાકિસ્તાનના પીએમ ઇમરાનખાન ચીનના ત્રણ દિવસના પ્રવાસે જશે access_time 1:12 am IST

  • છત્તીસગઢ વિધાનસભા ચૂંટણીમાં જનતા કોંગ્રેસ છત્તીસગઢ અને બીએસપી ગઠબંધને 13 ઉમેદવારો જાહેર કર્યા :ગઠબંધન મુજબ જનતા કોંગ્રેસ છત્તીસગઢ 55 સીટો પર અને બીએસપી 35 બેઠકો પર ચૂંટણી લડશે:સીપીઆઇ પણ માયાવતી અને અજિત જોગીના ગઠબંધનમાં જોડાશે ;બે બેઠક પરથી ચૂંટણી જંગમાં ઝુકાવશે access_time 1:25 am IST