Gujarati News

રાજકોટ તા. ૧૮: આજીડેમ પોલીસે બે દરોડામાં એક શખ્સને ૮૪ બોટલ દારૂ સાથે તથા બીજાને બે બોટલ સાથે પકડી લીધો હતો.

કોઠારીયા સોલવન્ટ ગુ.હા. બોર્ડ કવાર્ટર નં. ૨૪માં રહેતાં તારીફ ઉર્ફ મુન્નો રઝાકભાઇ આંબળા (મુસ્લિમ) (ઉ.૩૮)ના ઘરમાં દારૂ હોવાની બાતમી આજીડેમના હેડકોન્સ. મહિપાલસિંહ ઝાલા અને કનકસિંહ સોલંકીને મળતાં દરોડો પાડી તેને રૂ. ૨૫૨૦૦ના ૮૪ બોટલ દારૂ સાથે પકડી લેવાયો હતો.

જ્યારે આજીડેમ ચોકડી રવિવારીના મેદાન પાસેથી લીલી સાજડીયાળીના શૈલેષ આંબાભાઇ રામાણી (પટેલ) (ઉ.૩૧)ને ટુવ્હીલર નં. જીજે૩ડીબી-૭૧૩૫માં બે બોટલ દારૂ સાથે નીકળતાં પકડી લેવાયો હતો. ડીસીપી રવિકુમાર સૈની, એસીપી બી. બી. રાઠોડની સુચના અને પી.આઇ. પી. એન. વાઘેલાની રાહબરીમાં હેડકોન્સ. મહિપાલસિંહ ઝાલા, કનકસિંહ સોલંકી, કોન્સ. જયદિપસિંહ બોરાણા, પરેશભાઇ સાંગાણી, શૈલેષભાઇ નેચડા અને શૈલેષભાઇ ભીંસડીયાએ આ દરોડા પાડ્યા હતાં.