Gujarati News

રાજકોટ તા. ૧૮: કોઠારીયા રોડ રણુજા મંદિર પાસે રામરણુજા સોસાયટીમાં રહેતો યુવાન મનિષભાઇ પ્રવિણભાઇ પટેલ (ઉ.વ.૩૮) ૧૩/૮ના રોજ કરણપરા-૭માં પોતાનું વાહન મુકી નીકળી ગયા બાદ ગૂમ થતાં શોધખોળને અંતે તેમના પત્નિ જીજ્ઞાશાબેને એ-ડિવીઝન પોલીસને જાણ કરતાં એએસઆઇ બી. વી. ગોહિલે તપાસ હાથ ધરી છે. ગૂમ થનાર યુવાન મધ્યમ બાંધાનો છે, ઉંચાઇ ૫ ફુટ ૪ ઇંચ અને વાને ઘઉવર્ણો છે. જમણા હાથના પંજામાં ઓમ ત્રોફાવેલો છે. કોઇને જોવા મળે તો એ-ડિવીઝન પોલીસને ફોન ૦૨૮૧ ૨૨૨૬૬૫૯ ઉપર સંપર્ક કરવા જણાવાયું છે.