Gujarati News

રાજકોટ તા. ૧૫ : રાજકોટ જિલ્લાના ગોંડલ તાલુકાના લિલાખા ગામ પાસે આવેલ ભાદર -૧ ડેમ ઓવરફલો થઈ જતાં ડેમના ૧૫ દરવાજા ૪ ફૂટ ગત રાત્રે ૧૨ વાગે ખોલવામાં આવ્‍યા છે.

ઉપરવાસના વરસાદના કારણે ડેમમાં પાણીની આવક ચાલુ છે જેથી ડેમની હેઠવાસમાં આવેલા ગોંડલના લિલાખા, મસીતાળા, ભંડારીયા, ખંભાલીડા, નવાગામ, જેતપુર તાલુકાના મોણપર, ખીરસરા, દેરડી, જેતપુર, નવાગઢ, રબારીકા, સરધારપુર, પાંચપીપળા, કેરાડી, લુણાગરા, લુણાગરી, વાડાસડા, જામકંડોરણા તાલુકાનાં  તરવડ, ઈશ્વરીયા ધોરાજી તાલુકાના વેગડી, ભુખી, ઉમરકોટ ગામોના લોકોને નદીના પટમાં અવર - જવર નહીં કરવા તથા સાવચેત રહેવા ફલડ કંટ્રોલ રૂમ દ્વારા સુચિત કરવામાં આવ્‍યું  છે.