Gujarati News

રાજકોટ તા. ૧પઃ આગામી તા. ૯ ઓગષ્ટના રોજ રાજકોટમાં રાજકોટ સહિત સૌરાષ્ટ્રના તમામ કલેકટરો-ડે. કલેકટરો-મામલતદારોનો મહત્વનો એવો રેવન્યુ સેમીનાર યોજાઇ રહ્યો છે.

રાજયના સેટલમેન્ટ કમિશ્નરશ્રી હારીન શુકલા, મહેસુલ સચિવ શ્રી પંકજકુમારની અધ્યક્ષતામાં યોજાનાર આ રેવન્યુ સેમીનારમાં રર જેટલા મુદા અંગે ચર્ચા થશે.

આ મુદ્દાઓમાં તુમાર, ફાઇલ એન્કરીંગ સોફટવેર, રેવન્યુ વસુલાત, સેટલમેન્ટના કેસો, સ્ટાફની અછત, જમીનના-અપીલના કેસો, પડતર કેસો સહિતની બાબતોનો સમાવેશ થાય છે.

તમામ કલેકટરોને તૈયારી સાથે આવવા ગાંધીનગરના તંત્રે સૂચના-આદેશો કર્યા છે.