Gujarati News

Gujarati News

News of Friday, 15th March 2019

બેટીના પુલ પાસે ગાય આડી આવતાં કાર ગોથું ખાઇ ગઇઃ બે બહેનના એકના એક ભાઇનું મોત

ગાંધીગ્રામ મિલન પાર્કનો યુવાન કેતન ચોૈહાણ ગાંધીનગરથી કાર હંકારી રાજકોટ આવતો'તો ત્યારે બનાવઃ સોરઠીયા રજપૂત પરિવારમાં ગમગીની

રાજકોટ તા. ૧૫: કુવાડવા નજીક બેટી પાસે સાંજે ગાય આડી આવતાં કાર પલ્ટી ખાઇ જતાં ગાંધીગ્રામ અક્ષરનગર પાસે મિલન પાર્કમાં રહેતાં બે બહેનના એકના એક ભાઇ અને વૃધ્ધ પિતાના આધારસ્તંભ એવા સોરઠીયા રજપૂત યુવાનનું ગંભીર ઇજા થતાં મોત નિપજતાં પરિવારમાં ગમગીની છવાઇ ગઇ છે.

જાણવા મળ્યા મુજબ ગાંધીગ્રામ અક્ષરનગર પાસે મિલન પાર્ક-૧માં રહેતો કેતનભાઇ મનસુખભાઇ ચોૈહાણ (ઉ.૩૭) નામનો યુવાન છુટક ડ્રાઇવીંગ કામ કરતો હોઇ ગઇકાલે સવારે ગાંધીનગરનું ભાડુ મળતાં તે કાર લઇ ત્યાં ગયો હતો. સાંજે ચારેક વાગ્યે પરત રાજકોટ આવતી વખતે બેટી ગામ પાસે પહોંચતા અચાનક રોડ પર ગાય આડી ઉતરી આવતાં તેને બચાવવા માટે જોરદાર બ્રેક લગાવતાં સ્ટીયરીંગ પરનો કાબુ ગુમાવતાં કાર ગોથું ખાઇ ગઇ હતી.

આ અકસ્માતમાં કેતનભાઇને ગંભીર ઇજા થઇ હતી અને પાછળ બેઠેલા બે વ્યકિતને  મુંઢ ઇજાઓ થઇ હતી. કેતનભાઇને સારવાર માટે સિવિલ હોસ્પિટલમાં ખસેડાયેલ. પરંતુ અહિ ટુંકી સારવારને અંતે દમ તોડી દીધો હતો. મૃત્યુ પામનાર કેતનભાઇ બે બહેનના એકના એક ભાઇ હતાં. તેના પત્નિનું નામ ઉર્વશીબેન છે. પિતા મનસુખભાઇ બિહારીભાઇ ચોૈહાણ અગાઉ કોર્પોરેશનમાં નોકરી કરતાં હતાં અને હાલ નિવૃત જીવન ગાળે છે. કેતનભાઇના માતા હયાત નથી.  બનાવથી વૃધ્ધ પિતાએ એકનો એક કંધોતર ગુમાવતાં ગમગીની છવાઇ ગઇ છે. (૧૪.૫)

 

(11:51 am IST)
  • ગીતા પટેલને ધાંગ્રધા બેઠક ઉપરથી લડાવોઃ હાર્દિકની કોંગ્રેસ સમક્ષ માંગ : ગીતા પટેલ છે હાર્દિકના સાથી : હાર્દિક પટેલે ગીતા પટેલ માટે કરી ટીકીટની માંગણીઃ ગીતા પટેલ માટે ધાંગ્રધા બેઠક પરથી ટિકીટની માગ access_time 3:57 pm IST

  • કોંગ્રેસ અધ્યક્ષ રાહુલ ગાંધી 2 સીટ ઉપરથી લોકસભા ચૂંટણી લડશે તેવી ચર્ચા : અમેઠીમાં 3 ટર્મથી ચૂંટાઈ આવતા રાહુલ ગાંધી માટે બીજી સીટ દક્ષિણ ભારતમાંથી પસંદ થાય તેવી શક્યતા : મહારાષ્ટ્ર અથવા મધ્યપ્રદેશની સલામત ગણાતી સીટની પણ પસંદગી થઇ શકે તેવું જાણકારોનું મંતવ્ય access_time 8:14 pm IST

  • કોંગ્રેસે નિરીક્ષકોની નિમણુંક કરી : જામનગરમાં ચંદ્રિકાબેન ચુડાસમા, માણાવદરમાં એમએફ બ્લોચ, ઉંઝામાં અશ્વિન કોટવાલ વગેરેની નિરીક્ષકો તરીકે કોંગ્રેસ દ્વારા નિમણુંક access_time 6:10 pm IST