Gujarati News

Gujarati News

News of Friday, 15th January 2021

મલુ મંગલ સોસાયટીના પ્રમુખ દિપકભાઇ મકવાણા પર હુમલો

ખાલસા થયેલા પ્લોટમાં મકાન બનાવવાની ના પાડતાં પૂર્વ વહિવટદારના પુત્રવધુએ હુમલો કરાવ્યાનો આરોપ

રાજકોટ તા. ૧૫: કાલાવડ રોડ પર પુષ્કરધામ શાક માર્કેટ પાસે આવેલી મલુ મંગલ સોસાયટીમાં રહેતાં અને આ સોસાયટીમાં પ્રમુખ તરીકે સેવા આપતાં દિપકભાઇ હરજીવનભાઇ મકવાણા (ઉ.વ.૪૭) પર મકરસંક્રાંતિની આગલી સાંજે આંબેડકરનગરના ચંપાબેન મોહનભાઇ કટારીયા, મીતાબેન મોહનભાઇ કટારીયા તથા તેની સાથેના શખ્સોએ મળી હુમલો કરી પ્લાસ્ટીકના પાઇપથી માર મારતાં સિવિલ હોસ્પિટલમાં દાખલ થતાં હોસ્પિટલ ચોકીના સ્ટાફે યુનિવર્સિટી પોલીસને જાણ કરી હતી.

દિપકભાઇએ જણાવ્યું હતું કે આ સોસાયટીના પોતે પ્રમુખ છે. પુર્વ વહિવટદાર મલુબેન હેમાભાઇ કટારીયાના પુત્રવધુ મીનાબેન સોસાયટીમાં ખાલસા થયેલા પ્લોટ પર ચણતર કરવા માંગતા હોઇ તેની સામે નિયમ મુજબ મેં વાંધો ઉઠાવતાં તેના સહિતના લોકોએ ઝઘડો કરી હુમલો કર્યો હતો. પોલીસે આ અંગે વિશેષ તપાસ હાથ ધરી છે.

(12:12 pm IST)
  • ભાજપ સાંસદ સાધ્વી પ્રજ્ઞાએ પોતાને મળતા પગારમાંથી 1.11 લાખ રૂપિયા રામ મંદિર નિર્માણ માટે આપ્યા : ભારત ભક્તિ અખાડા તરફથી 11 લાખ રૂપિયાનું દાન આપ્યું : વિશ્વ હિન્દૂ પરિષદને ચેક આપતી વખતે મંદિર નિર્માણમાં તેઓના સહયોગને બિરદાવ્યું access_time 6:27 pm IST

  • અમેરીકામાં કોરોનાના કહેરના પગલે ૧૦ ફેબ્રુઆરી સુધી શાળાઓ બંધ : અમેરિકાના ઓન્ટેરીયો પ્રાંતમાં કોરોનાના કહેરને કારણે ૨૮ દિવસની કટોકટી લદાઈઃ પ્રાંતના તમામ લોકોને ઘરે રહેવા આદેશો : ટોરોન્ટો, ન્યુ યોર્ક હેમિલ્ટન, વિન્ડસર-આઇસેકસ જેવા પ્રાંતોમાં શાળાઓ ૧૦ ફેબ્રુઆરી સુધી બંધ રહેશે. access_time 1:26 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 15,336 કેસ નોંધાયા :કુલ કેસની સંખ્યા 1,05, ,43,844 થઇ :એક્ટિવ કેસ 2,08,357 થયા: વધુ 16,355 દર્દીઓ સ્વસ્થ થતા કુલ 1,01,78,437 થયા :વધુ 771 લોકોના મોત સાથે કુલ મૃત્યુઆંક 1,52,665 થયા access_time 1:04 am IST