Gujarati News

Gujarati News

News of Tuesday, 14th January 2020

જાગનાથ પ્લોટમાં પટેલ વૃધ્ધના ઘરમાં ૧.૯૦ લાખની ચોરીઃ તસ્કર હાથવેંતમાં

રાજકોટ : જાગનાથ પ્લોટમાં રહેતાં ૯૪ વર્ષના પટેલ વૃધ્ધના ઘરમાં ગયા મહિને થયેલી ૧,૯૦,૫૦૦ની ચોરીનો ભેદ ઉકેલાઇ ગયો છે. જે તે વખતે આ અંગે પોલીસને જાણ કરવામાં આવી નહોતી. પોલીસે શકમંદને સકંજામાં લેતાં ભેદ ઉકેલાવાની શકયતા છે.

એ-ડિવીઝન પોલીસે આ બનાવમાં નિર્મલા કોન્વેન્ટ રોડ પર મંગલ પાર્ક બ્લોક નં. ૪૧માં રહેતાં શેર બ્રોકર નિમીષ મનસુખભાઇ તંતી (ઉ.વ.૩૮)ની ફરિયાદ પરથી ચોરીનો ગુનો નોંધ્યો છે. નિમીષ તંતીના નાના અરજણભાઇ કરમણભાઇ સભાયા (ઉ.વ.૯૪) કે જે જાગનાથ પ્લોટમાં રહે છે તેઓ ૨૬મીએ નિમીષ તંતીના ઘરે રાતે હતાં ત્યારે રેઢા ઘરમાં ચોરી થઇ હતી. જે તે વખતે ફરિયાદ કરી નહોતી. હવે ચોર પકડાઇ જતાં ગુનો નોંધી એ-ડિવીઝન  પીએસઆઇ વી.સી. રંગપરીયાએ પીઆઇ એન.કે. જાડેજાની રાહબરીમાં તપાસ શરૂ કરી છે.

 

(12:43 pm IST)
  • ભાવનગરના બોરતળાવ પોલીસ સ્ટેશનમાં ફરજ બજાવતા અને વિધાનગર પોલીસ લાઈનમાં રહેતા પોલીસ હેડ કોન્સ્ટેબલ આહીર ભીમભાઇ દેસાઈ એ ગળા ફાસો ખાઈ આપઘાત કર્યો access_time 11:11 pm IST

  • પંજાબ સરહદે ફરીવાર બે પાકિસ્તાની ડ્રોન ભારતીય સીમામાં ઘુસ્યા જવાનોએ કર્યું ફાયરીંગ : પંજાબ સાથે જોડાયેલી પાકિસ્તાની બોર્ડર તરફથી સોમવારની રાત ફરી એક વખત બે ૨ પાકિસ્તાની ડ્રોન ભારતની સીમામાં ઘૂસી આવ્યા હતા BSF જવાનોએ આ ડ્રોન ને નિશાન બનાવી ફાયરીંગ કર્યુ હતુ. અવારનવાર પાકિસ્તાની ડ્રોન ભારતની સીમામાં ઘુસી આવે છે. access_time 11:50 am IST

  • કેરલમાંથી બે ત્રાસવાદી ઝડપાયાઃ કર્ણાટકના ગૃહમંત્રી બાસવરાજા બોમાઈએ જાહેર કર્યું છે કે કેરળમાં થી ૨ શંકાસ્પદ ત્રાસવાદીઓ ઝડપાયા છે. તેમણે કહ્યું કે આ બંનેને ઉડુપી રેલવે સ્ટેશન થી પકડી લેવામાં આવ્યા છે. વિગતો મેળવાઇ રહી છે. access_time 11:51 am IST