Gujarati News

Gujarati News

News of Wednesday, 14th August 2019

સગર સમાજ દ્વારા કાલે ભગીરથ દાદાની જન્મજયંતિ મહોત્સવઃ શોભાયાત્રા- સાંસ્કૃતિક કાર્યક્રમો

મોરબી રોડ ઉપરથી શોભાયાત્રાનો પ્રારંભ પેડક રોડ ખાતે સમાપનઃ તેજસ્વી વિદ્યાર્થીઓ અને રકતદાતાઓનું શિલ્ડ- પ્રમાણપત્રથી સન્માનાશે

રાજકોટ,તા.૧૪: સગર જ્ઞાતિ મંડળ તેમજ જય ભગીરથ સગર સમાજ યુવા ગ્રુપ- રાજકોટ દ્વારા આવતીકાલે તા.૧૫ને ગુરૂવારના રોજ બપોરના ૧૨ કલાકથી સાંજના ૮ કલાક સુધી શ્રી ભગીરથ દાદાની જન્મ જયંતિની ઉજવણી કરવામાં આવશે. આ પ્રસંગે શોભાયાત્રા, સાંસ્કૃતિક કાર્યક્રમ તેમજ સમાજના તેજસ્વી વિદ્યાર્થીઓ તેમજ રકતદાતાઓનું મોમેન્ટો આપીને સન્માન કરવામાં આવશે.

આવતીકાલે ૧૫મી ઓગષ્ટના બપોરે ૧૨:૩૦ વાગે મોરબીરોડ ઉપર જય જવાન જય કિસાન સોસાયટી ખાતેથી શોભાયાત્રાનો પ્રારંભ થશે અને પેડક રોડ ઉપર આવેલ અટલબિહારી વાજપાયી હોલ ખાતે સમાપન થશે. ત્યારબાદ તેજસ્વી વિદ્યાર્થી સન્માન કાર્યક્રમમાં ધો.૫ થી કોલેજ સુધીના ૨૦૦ જેટલા વિદ્યાર્થીઓ તેમજ રકતદાતાઓને મોમેન્ટો આપી સન્માન કરવામાં આવશે.

આયોજનમાં લાલજીભાઈ બેલડીયા, બિપીનભાઈ ગોહેલ, જીતેન્દ્રભાઈ પાથર, અરવિંદભાઈ માંડાણી, તુલસીભાઈ ભેસારા, જયપાલભાઈ બેલડીયા, હરેશભાઈ ધંધુકીયા, અનિલભાઈ ગળથીયા, મહેશભાઈ મેમકીયા અને ધર્મેશભાઈ ભેસાણીયા જોડાયેલ છે. (તસ્વીરઃ વિક્રમ ડાભી)

(4:25 pm IST)
  • અમિતભાઇ શાહ સાંજે કાશ્મીર જવા રવાના થશે : ૩૭૦મી કલમ નાબુદ કર્યા પછી દેશના ગૃહમંત્રી પ્રથમ વખત શ્રીનગર જઇ રહયા છેઃ ૧૬મીએ દિલ્હી પરત ફરશે access_time 1:15 pm IST

  • પાકિસ્તાનના કરાંચીમાં જન્મેલી તથા શ્રી નરેન્દ્ર મોદીને ભાઈ ગણતી મહિલા કમર મોહસીન હસન રાખડી બાંધવા દિલ્હી પહોંચી : છેલ્લા 24 વર્ષથી રાખડી બાંધવાનો ક્રમ ચાલુ છે access_time 12:40 pm IST

  • નેપાળના રસ્તે ઘુષણખોરી કરનાર વિદેશી મહિલાની ધરપકડ ;બિહારના પૂર્વી ચંપારણ જિલ્લાના રકસોલ ક્ષેત્રમાં નેપાળના રસ્તેથી ભારતમાં ઘુસવા પ્રયાસ કરતી મહિલાને સુરક્ષા એજન્સીઓએ ઝડપી લીધી :મહિલા પાસે પૂરતા દસ્તાવેજ નથી access_time 1:09 am IST