Gujarati News

Gujarati News

News of Wednesday, 14th April 2021

સરકારી તંત્રો ઉપર ભાજપના મોટા નેતાઓનું બેડ અંગે ભારે દબાણઃ ફોનનો સતત મારો

એક ખાનગી હોસ્પીટલમાં પ૦ બેડમાંથી ૧૪ ભરેલા છતા હાઉસફુલ હોવાનું કહેવાતા તંત્ર ચોંકયું: બેડ અંગે સતત ફોન ચાલુ હોય કર્મચારીઓમાં રોષ

રાજકોટ, તા., ૧૫: રાજકોટના વિવિધ સરકારી તંત્રો અને તેના હાઇલેવલ અધિકારીઓ ઉપર છેલ્લા ૪૮ કલાકથી રાજકોટ ભાજપના અમુક મોટા ગજાના નેતાઓનું આને બેડ આપી દો, બે બેડની વ્યવસ્થા કરો, જલ્દી કરો જેવા સતત ફોનનો મારો ચાલુ થતા અધિકારીઓ ગીન્નાયા છે અને કર્મચારીઓમાં તો દેકારો મચી ગયો છે. ભારે રોષ ફાટી નીકળ્યો છે.

અધિકારીઓ પણ અકળાઇ ઉઠયા છે. આજે જ એક તંત્રને ૩ થી ૪ ભાજપી નેતાઓએ ફોન કરતા આ અધીકારી સમસમી ઉઠયા છે.  દરમિયાન રાજકોટની એક ખાનગી હોસ્પીટલ કે જે કોરોના કોવીડ-૧૯ તરીકે ચાલુ થઇ, પ૦ બેડ ઉપલબ્ધ કરાયા. પરંતુ આ હોસ્પીટલમાં હજુ માત્ર ૧૪ જ બેડ ભરેલા છે. ૩૬ ખાલી પડયા છે. છતા હાઉસફુલ છે એવુ કહેવાતા અને આવી ફરીયાદો તંત્ર પાસે પહોંચતા અધિકારીઓ ચોંકી ઉઠયા છે. આ બાબતે તપાસ થવી જરૂરી છે. તો ભાજપના નેતાઓના સતત ફોન-દબાણ અંગે ગાંધીનગર સી.એમ.કાર્યાલયમાં અધિકારીઓ વાત પહોંચાડી રહયાનું જાણવા મળે છે.

(3:45 pm IST)
  • નેપાળના રાજાના સારથી બન્યા બાબા રામદેવ, ડ્રાઇવીંગ સીટ પર બેસીને પડાવ્યો ફોટો, માસ્ક બેમાંથી કોઇએ નથી પહેર્યો. access_time 12:41 pm IST

  • ઓક્સિજનની સુવિધા માટે ગાંધીનગર ખાતે સ્ટેટ કંટ્રોલ રૂમ તૈયાર કરાયો : IAS અધિકારી એ.બી.પંચાલની ઇન્ચાર્જ તરીકે કરાઇ નિમણૂંક access_time 11:41 pm IST

  • દેશમાં કોરોના કેસમાં ભયાનક ઉછાળો :પહેલીવાર નવા કેસનો આંક 2 લાખ નજીક પહોંચ્યો : તમામ રેકોર્ડ તૂટયા : એક્ટિવ કેસમાં ધરખમ વધારો : રાત્રે 12 વાગ્યા સુધીમાં કોરોનાના નવા 1,99,376 કેસ નોંધાયા :કુલ કેસની સંખ્યા 1,40,70,890 થઇ :એક્ટિવ કેસ 14,65,877 થયા : વધુ 93,418 દર્દીઓ સ્વસ્થ થતા કુલ 1,24,26,146 સાજા થયા :વધુ 1037 લોકોના મોત સાથે કુલ મૃત્યુઆંક 1,73,152 થયો : મહારાષ્ટ્રમાં સૌથી વધુ 58,952 નવા કેસ, :ઉત્તર પ્રદેશમાં 20,439 કેસ, દિલ્હીમાં 17,282 કેસ , છત્તીસગઢમાં 14,250 કેસ અને કર્ણાટકમાં 11,265 કેસ નોંધાયા access_time 1:12 am IST