Gujarati News

Gujarati News

News of Wednesday, 14th March 2018

રામનાથપરામાં મકાનમાં જૂગાર રમતાં ૧૧ બંગાળી શખ્સ પકડાયાઃ ૩૩ હજાર કબ્જે

હાથીખાનામાંથી ૧ બોટલ સાથે કમલ અને રૈયામાંથી ૩ બોટલ સાથે અબ્દુલ ઉર્ફ દુલો પકડાયો

રાજકોટ તા. ૧૪: રામનાથપરા-૧૮માં   એક મકાનમાં દરોડો પાડી ૧૧ બંગાળી શખ્સોને તિનપત્તી રમતાં પકડી લઇ રૂ. ૩૩૧૫૦ની રોકડ કબ્જે લીધી છે.

એ-ડિવીઝન પી.આઇ. વી.વી. ઓડેદરાની રાહબરીમાં પી.એસ.આઇ. એસ. વી. સાખરા, એએસઆઇ શિવરાજસિંહ જાડેજા, હેડકોન્સ. ભરતસિંહ ગોહિલ, ભાવેશભાઇ, ઇન્દ્રસિંહ, નરેશભાઇ, ક્રિપાલસિંહ ઝાલા, કરણ વિરસોડીયા, હાર્દિકસિંહ પરમાર, શૈલેષભાઇ, કોન્સ. જગદીશભાઇ વાંક સહિતનો સ્ટાફ પેટ્રોલીંગમાં હતો ત્યારે જગદીશભાઇ અને નરેશભાઇને મોડી રાત્રે પોણા બે વાગ્યે મળેલી બાતમી પરથી રામનાથપરા-૧૮માં રહેતાં બિશ્વજીત વલોધર માલી (ઉ.૧૯)ના ઘરમાં દરોડો પાડી તેને તથા નજીમ અબ્દુલબસેટભાઇ શેખ (ઉ.૨૩), તપનસિંગ દિલીપસિંગ સિંગ (ઉ.૩૦), અજોય સસાગકર ડોલાઇ (ઉ.૨૮), ઉજ્જવલ શ્યામભાઇ દાસ (ઉ.૨૬), રહિમ કાદીરભાઇ શેખ (ઉ.૨૪), સુશાંત ઓમરભાઇ માઇટી (ઉ.૩૪), સોમનાથ પંટલભાઇ ટુડુ (ઉ.૨૪), મનોજ સુશિલભાઇ પાત્રે (ઉ.૩૨), હકીબુલ અટલબઅલી મંડલ (ઉ.૩૧) અને શરીફુલ નાસીરઉલ શેખ (ઉ.૩૨)ને પકડી લઇ ગંજીપાના તથા રૂ. ૩૩૧૫૦ રોકડા કબ્જે લીધા હતાં. પકડાયેલા તમામ મુળ બંગાળના છે અને રાજકોટ હાથીખાના-રામનથપરામાં ભાડેથી રહી સોની કામની મજૂરી કરે છે.

એ-ડિવીઝન ડી. સ્ટાફના શિવરાજસિંહ જાડેજા, રામગરભાઇ ગોસાઇ, નરેશભાઇ ઝાલા, ભરતસિંહ, ભાવેશભાઇ સહિતના સ્ટાફે હાથીખાના-૫/૧૫ના ખુણેથી હાથીખાના-૬ના કમલ રણજીતભાઇ મલિક (બંગાળી) (ઉ.૨૦)ને રૂ. ૩૦૦ના એક બોટલ દારૂ સાથે પકડ્યો હતો. તે આ દારૂ સિરાજ યુસુફભાઇ ગોવાળીયા (હાથીખાના) પાસેથી લાવ્યાનું કબુલતાં તેની શોધખોળ થઇ રહી છે.

રૈયા ગામમાંથી અબ્દુલ ઉર્ફ દુલો ૩ બોટલ દારૂ સાથે પકડાયો

રૈયા ગામમાં રામજી મંદિરવાળી શેરીમાં રહેતાં અબ્દુલ ઉર્ફ દુલો ખમીશાભાઇ વિકીયાણી (સંધી) (ઉ.૫૪)ને તેના ઘર નજીકથી યુનિવર્સિટી પોલીસ મથકના પી.એસ.આઇ. બી. જે. કડછા અને ડી. સ્ટાફની ટીમે રૂ. ૯૦૦ના ત્રણ બોટલ દારૂ સાથે ઝડપી લીધો છે.

(4:25 pm IST)
  • ઉત્તરપ્રદેશમાં ભાજપને નામોશીઃ ફુલપુર અને ગોરખપુર લોકસભાની બંને બેઠકો અખિલેશ યાદવનો સમાજવાદી ૫૦ હજારથી મતથી ઐતિહાસિક વિજય મેળવી ચૂકયો છે : સપા- બસપાની જોડીનો વિજય નિશ્ચિત access_time 6:08 pm IST

  • બિહારની અરેરીયામાં લાલુના આરજેડી પક્ષનો વિજય નિશ્ચિતઃ ૫૮ હજાર મતે આગળ access_time 6:07 pm IST

  • પાણી બચાવવાને લઈ સુરતના ડોક્ટરોએ અનોખી પહેલ આદરી છે. જેમાં વોટસએપમાં તબીબો દ્વારા એક ગ્રુપ બનાવીને રોજ તેમાં ક્રિએટીવ મેસેજ, વીડિયો, ઓડિયો મુકીને અન્ય લોકો સુધી પહોંચાડવાના પ્રયત્નો કરવામાં આવી રહ્યાં છે. આ ગૃપમાં લગભગ શહેરના 50થી વધુ ડોક્ટર્સ જોડાઈ છે. ડોક્ટર્સને જ્યાં ક્યાંયથી પણ પાણી બચાવવાનો મેસેજ મળે તે આ ગ્રુપમાં મુકે છે. access_time 12:59 am IST