Gujarati News

Gujarati News

News of Wednesday, 13th January 2021

કોરોનાની રસીને રાજકોટ એરપોર્ટ ખાતે આવકારતા ચેમ્બરના પ્રમુખશ્રી વી.પી. વૈષ્ણવ

રાજકોટ, તા.૧૩ : કોરોના મહામારીને કાબુમાં લેવા તથા લોકોને કોરોના સામે પુરતુ રક્ષણ મળી રહે તે માટે સરકારશ્રી દ્વારા કોરોના રસીમૂકવાની ઝડપભેર કામગીરી શરૃ કરવામાં આવેલ છે. ત્યારે આજરોજ વ્હેલી સવારના રાજકોટ એરપોર્ટ ખાતે કોરોના રસીનો પ્રથમ ડોઝ આવી ગયેલ છે. તે દરમ્યાન રાજકોટ ચેમ્બર ઓફ કોમર્સ એન્ડ ઇન્ડસ્ટ્રીઝના પ્રમુખ શ્રી વી.પી. વૈષ્ણવ ખાસ ઉપસ્થિત રહીને કોરોના રસીને હર્ષની લાગણી સહ આવકારેલ.

કોરોના મહામારીની શરૃઆતથી રાજકોટ ચેમ્બર દ્વારા તમામ વેપાર-ઉદ્યોગકારો તથા આમપ્રજાની સુખાકારી તથા સલામતીને ધ્યાનમાં રાખી લોકડાઉન દરમ્યાન તમામ છુટછાટો મળી રહે ઉદ્યોગો ધમધમતા રહે અને આર્થિક મંદીમાંથી બહાર નિકળે તેવા યોગ્ય પગલાઓ હાથ ધરી સરકારશ્રીમાં નિર્ણાયક રજુઆતો કરેલ અને મહત્તમ સફળતાઓ પણ મળેલ છે. હાલ સરકારશ્રી દ્વારા કોરોનાની રસી મૂકવાનું પ્રથમ પ્રાધાન્ય કોરોના વોરીયર્સ જેવા કે ડોકટરર્સ, પેરામેડીકલ સ્ટાફ, પોલીસ કર્મીઓ અને સફાઇ કર્મીઓને સૌપ્રથમ પ્રધાન્ય આપવામાં જે બદલ અભિનંદન પાઠવી રાજકોટ ખાતે ઝડપી કોરોનારસીનો પ્રથમ ડોઝ મોકલવા બદલ રાજકોટ ચેમ્બર ઓફ કોમર્સ એન્ડ ઇન્ડસ્ટ્રીઝ દ્વારા મુખ્યમંત્રીશ્રી વિજયભાઇ રૃપાણીનો સહર્ષ અભિનંદન સહ આભારની લાગણી વ્યકત કરીએ છીએ તેમ રાજકોટ ચેમ્બરની અખબારી યાદીમાં જણાવેલ છે.

(4:26 pm IST)
  • વર્લ્ડ હેલ્થ ઓર્ગેનાઈઝેશન ( WHO ) એ એક જ મહિનામાં સતત ત્રીજી વખત ભારતનો ખોટો નકશો દેખાડ્યો : જમ્મુ ,કાશ્મીર ,તથા લડાખને અલગ બતાવ્યા : ભારત સરકારે ત્રીજી વખત ચેતવણી આપી : ખોટો નકશો પ્રદર્શિત કરવો તે બાબત ગેરકાનૂની તથા જેલ સજાને પાત્ર access_time 2:02 pm IST

  • દિલ્હીના ભાજપ સાંસદ હંસરાજ હંસ વિરુદ્ધ કોર્ટ કેસ : ચૂંટણી સમયે કરેલી એફિડેવિટમાં પોતાના શિક્ષણ અને બાકી ટેક્સ અંગે ખોટો માહિતી આપી : કોંગ્રેસના પરાજિત ઉમેદવાર રાજેશ લીલોઠીયાનો આક્ષેપ : 18 જાન્યુઆરીના રોજ સુનાવણી access_time 1:50 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 8537 કેસ નોંધાયા :કુલ કેસની સંખ્યા 1, 05, 04,3 53 થઇ :એક્ટિવ કેસ 2,10,734 થયા: વધુ 9127 દર્દીઓ સ્વસ્થ થતા કુલ 1,01,37,584 થયા :વધુ 124 લોકોના મોત સાથે કુલ મૃત્યુઆંક 1,51,688 થયો access_time 1:02 am IST