Gujarati News

Gujarati News

News of Wednesday, 13th January 2021

રામેશ્વર શરાફી મંડળીના કોભાંડમાં ચેરમેન દુધાગરા અને મેનેજર વસોયાના વધુ ૪ દિ'ના રિમાન્ડઃ વધુ કલમોનો ઉમેરો

ડિરેકટરોની ખોટી સહીઓ કરી હોઇ આઇપીસી ૪૬૫, ૪૬૮, ૪૭૧નો ઉમેરોઃ વાઇસ ચેરમેન રૈયાણી જેલહવાલે

રાજકોટ તા. ૧૨: ઢેબર રોડ પર કાંતા સ્ત્રી વિકાસ ગૃહ સામે શ્રીમદ્દ ભવનના બીજા માળે ઓફિસ નં. એફ ૨૭, ૨૮માં બેસતી શ્રી રામેશ્વર શરાફી સહકારી મંડળીના સંચાલકો વિરૂધ્ધ નોંધાયેલી ૬૦ કરોડની ઠગાઇની ફરિયાદમાં ભકિતનગર પોલીસે ત્રણ આરોપીઓ મંડળીના ચેરમેન સંજય હંસરાજભાઇ દુધાગરા (રહે. એ. પી. પાર્ક), વાઇસ ચેરમેન ગોપાલ લક્ષમણભાઇ રૈયાણી (રહે. ખોડીયાર સોસાયટી મેઈન રોડ નંદા હોલ પાછળ, 'માતૃ છાંયા') અને મેનેજર વિપુલ રતિભાઇ વસોયા (રહે. મહેશ્વરી સોસાયટી, ૪૦ ફુટ રોડ, દેવપરા પાછળ)ની ધરપકડ કરી કોર્ટમાં રજૂ કરતાં ૧૦ દિવસના રિમાન્ડ આજે પુરા થતાં વધુ રિમાન્ડની માંગણી સાથે ત્રણેયને કોર્ટમાં રજૂ કરાયા હતાં. જેમાં ચેરમેન અને મેનેજરના વધુ ૪ દિવસના રિમાન્ડ મંજુર થયા છે. જ્યારે વાઇસ ચેરમેન ગોપાલ રૈયાણીને જેલહવાલે કરવાનો આદેશ થયો છે.

આ કોભાંડની તપાસમાં સિટની રચના થઇ હોઇ ટીમ સતત પુરાવા એકઠા કરી રહી છે. છેતરપીંડીનો આંક ૩૧,૫૮,૩૯,૬૪૫ સુધી પહોંચી ગયો છે અને રોકાણકારોની સંખ્યા ૫૬૨ થઇ છે. આજે ત્રણેય આરોપીના રિમાન્ડનો ૯મો દિવસ છે.

કોભાંડના સુત્રધાર ચેરમેન સંજય દુધાગરા અને મેનેજરે ડિરેકટરોની ખોટી સહીઓ પણ કરી હોઇ જેથી પોલીસે આઇપીસી ૪૬૫, ૪૬૮, ૪૭૧ની કલમોનો ઉમેરો પણ કર્યો છે. દુધાગરા અને વસોયાના વધુ રિમાન્ડ મળતા તપાસ આગળ વધારાઇ છે.

ભકિતનગર પોલીસે રોકાણકારો પૈકીના સંજય જયંતીભાઈ સોજીત્રા (ઉ.વ.૪૧)ની ફરીયાદ પરથી ગુન્હો નોંધવામાં આવ્યો હતો. ફરીયાદી અને બીજા ૧૬ થાપણદારોએ જુદી જુદી સ્કીમમાં પોતાના નાણા રોકયા હતા. પાકતી તારીખે ફરીયાદીના ૩૧ લાખ ૬૭ લાખ અને અન્ય ૧૬ના ૨ કરોડ ૮૦ લાખ ૨૨ હજાર ૯૦૦ સહિત ૩ કરોડ ૧૧ લાખથી વધુ ઓળવી ગયાની ફરીયાદ નોંધી હતી.

 ડીસીપી પ્રવિણકુમાર મીણાની રાહબરીમા સિટની ટીમના અધ્યક્ષ એસીપી એચ. એલ. રાઠોડ, પીઆઇ જે. ડી. ઝાલા, ભકિતનગરના પીએસઆઇ કામલીયા અને થોરાળાના પીએસઆઇ જી. એસ. ગઢવી તથા બે રાઇટરો નિલેષભાઇ મકવાણા અને ઘનશ્યામભાઇ મેણીયા વધુ તપાસ કરે છે.

(4:12 pm IST)
  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 8537 કેસ નોંધાયા :કુલ કેસની સંખ્યા 1, 05, 04,3 53 થઇ :એક્ટિવ કેસ 2,10,734 થયા: વધુ 9127 દર્દીઓ સ્વસ્થ થતા કુલ 1,01,37,584 થયા :વધુ 124 લોકોના મોત સાથે કુલ મૃત્યુઆંક 1,51,688 થયો access_time 1:02 am IST

  • આ તસવીર અમેરિકાના સંસદ ભવનની છે. દુનિયામાં સૌથી જૂની લોકશાહીનું જે મંદિર ગણાય છે. ૨૦૦ વર્ષમાં જે નહોતું બન્યું, અમેરિકા તે બધામાંથી પસાર થઈ રહ્યું છે. કેપિટલ બિલ્ડીંગ.. સંસદ ભવન આજે નેશનલ ગાર્ડના હવાલામાં છે. ૨૦ જાન્યુઆરી સુધી સૌ કોઈ આશંકિત છે.ટ્રમ્પ ઉપર કોઈને વિશ્વાસ નથી. FBIને તોફાનોની આશંકા છે. અમેરિકાની બુનિયાદ હલબલી ચૂકી છે. જાણીતા પત્રકાર બ્રજેશ મિશ્રાએ ટ્વિટર ઉપર શેર કરેલી તસવીર ખૂબ વાયરલ થઇ રહી છે access_time 1:06 am IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 13,746 કેસ નોંધાયા :કુલ કેસની સંખ્યા 1, 05, ,26,577 થઇ :એક્ટિવ કેસ 2,10,482 થયા: વધુ 13,751 દર્દીઓ સ્વસ્થ થતા કુલ 1,01,59,805 થયા :વધુ 159 લોકોના મોત સાથે કુલ મૃત્યુઆંક 1,51, 924 થયા access_time 12:17 am IST