Gujarati News

Gujarati News

News of Sunday, 14th January 2018

ગવલીવાડમાં ફજલ શેખ ટ્વેન્ટી-૨૦ મેચ પર સટ્ટો રમતાં પકડાયોઃ ક્રાઇમ બ્રાંચે ૩૯૬૦૦ની મત્તા કબ્જે લીધી

રાજકોટઃ ક્રાઇમ બ્રાંચના એસીપી જે. એચ. સરવૈયા તથા પી.આઇ. એચ. એમ. ગઢવીની રાહબરીમાં પી.એસ.આઇ. આર. સી. કાનમીયા, જગમાલભાઇ ખટાણા,  મયુર પટેલ, કૃપાલસિંહ ઝાલા, જયસુખભાઇ હુંબલ, સંતોષ મોરી, કુલદીપસિંહ જાડેજા, સંજય રૂપાપરા સહિતનાએ પેટ્રોલીંગ દરમિયાન જગમાલભાઇ, મયુરભાઇ અને કૃપાલસિંહની બાતમી પરથી ગવલીવાડ-૭માં રહેતાં ફજલ સતારભાઇ શેખ (ઉ.૩૮)ના મકાનમાં દરોડો પાડી તેને બીબીએલ ૨૦-૨૦ ક્રિકેટ ટૂર્નામેન્ટ પર સટ્ટો રમાડતાં પકડી લઇ ત્રણ મોબાઇલ ફોન, એલઇડી ટીવી, સેટઅપ બોકસ, રોકડા રૂ.. ૩૬૦૦ મળી ૩૯૬૦૦નો મુદ્દામાલ કબ્જે કરી વધુ તપાસ હાથ ધરી છે.

(10:30 am IST)
  • સંયુક્ત રાષ્ટ્ર સંઘમાં ભારતના સ્થાયી પ્રતિનિધિ સૈયદ અક્બરુદીનનું ટ્વીટર એકાઉન્ટ રવિવારે સવારે હૈક થયું છે. જોકે તેનાથી બેફિકર આ રાજદ્વારીએ કહ્યું હતું કે તેના ટ્વીટરને હૈક કરીને તેને જુકાવી શકાશે નહીં. અજાણ્યા હૈંકરોએ બે ફોટા અને એક વિડિઓ પોસ્ટ કરી છે અને અકબરૂદ્દીનના ટ્વીટર એકાઉન્ટના નામમાં @AkbaruddinIndia થી બદલીને R@AkbaruddinSyed કરી નાખ્યું છે. access_time 4:34 pm IST

  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી access_time 10:20 am IST

  • લીંબડી - બગોદરા નેશનલ હાઇવે પર રળોલ ગામના પાટીયા પાસે ગંભીર અકસ્માત સર્જાયો. બંધ ઉભા ટ્રક પાછળ ઇક્કો ગાડી તેમજ અન્ય એક હ્યુન્ડાઇ કાર ધુસી જતા ટ્રિપલ અકસ્માત સર્જાયો હતો. જેમાં અકસ્માતમાં 2 વ્યક્તિ ના ઘટના સ્થળે મોત નિપજ્યા હતા અને 4 વ્યક્તિ ને ગંભીર ઇજા થઇ છે. આ અકસ્માતની જાણ થતાજ 108ની ટીમ સ્થળ પર પહોંચી હતી. તમામ ઇજાગ્રસ્તોને વધુ સારવાર માટે સુરેન્દ્રનગર તેમજ અમદાવાદ હોસ્પિટલમાં ખસેડવામાં આવ્યા હતા. access_time 9:35 pm IST