Gujarati News

રાજકોટ તા. ૧૩: ભગવતીપરામાં પોલીસ ચોકી સામે રિધ્ધી સિધ્ધી સોસાયટી-૧માં રહેતાં રાજા તેજપારભાઇ મહેશ્વરી (ઉ.વ.૨૩) નામના યુવાને રાતે નવેક વાગ્યે ઘરમાં ગળાફાંસો ખાઇ લેતાં તે વખતે જ ભાભી જોઇ જતાં દેકારો મચાવતાં ભાઇ, પડોશીઓ બહાર બેઠા હોઇ દોડી આવ્યા હતાં અને રાજાને બેભાન હાલતમાં નીચે ઉતારી તુરત જ સિવિલ હોસ્પિટલમાં ખસેડતાં જીવ બચી ગયો હતો.

રાજા બે ભાઇમાં નાનો છે. આ પરિવાર મુળ પાકિસ્તાનનો વતની છે. અહિ રાજા, તેના ભાઇ-ભાભી અને માતા રહે છે. રાજા આજી જીઆઇડીસીમાં કંપનીમાં કામ કરે છે. તે બેભાન હોઇ આપઘાતના પ્રયાસનું કારણ બહાર આવ્યું નથી. હોસ્પિટલ ચોકીના સ્ટાફે બી-ડિવીઝન પોલીસને જાણ કરી હતી.