Gujarati News

રાજકોટ તા.૧૩: શહેરનાં વોર્ડ નં. ૧૮માં અનેક સ્થળોએ ગેરકાયદે બાંધકામો ધમધમતા હોવાની રજુઆત ભારતનાં સામ્યવાદી (માર્કસવાદી) પક્ષનાં શહેરમંત્રી લાલન શર્મા દ્વારા કમિશનરને કરવામાં આવી છે.

આ અંગે તેઓએ કમિશનરને પાઠવેલા આવેદનપત્રમાં જણાવ્યું છે કે વોર્ડ નં. ૧૮નાં સર્વે નં. ૩૦૨, ૫૦ ફુટ રોડ પર ગેરકાયદેસર રીતે મકાનોનું બાંધકામ ચાલુ છે. ત્યારે આ ગેરકાયદે બાંધકામ રોકવામાં નહીં આવે તો ૨૦મીએ વિરોધપ્રદર્શન કરાશે તેવી ચિમકી આવેદનમાં ઉચ્ચારાઇ છે.

કોઠારીયા-વાવડીમાં સુવિધા આપો

આ ઉપરાંત શહેરનાં વોર્ડ નં. ૧૮ અને ૧૨માં આવતા કોઠારીયા વાવડી વિસ્તારમાં રોડ ,૫ાણી, ગટર, સ્ટ્રીટલાઇટ સહિતની પ્રાથમિક સુવિધા આપવા અંગે પણ આવેદનપત્ર પાઠવી અને સામ્યવાદી પક્ષે ઉગ્ર રજુઆતો કરી હતી.