Gujarati News

Gujarati News

News of Tuesday, 13th February 2018

૧ાા લાખનું દેણું થતા શોરૂમ તોડી કપડા ચોર્યા'તાઃ ભાગવા માટે બસ પકડે એ પહેલા પોલીસે પકડયા

યાજ્ઞિક રોડના શો રૂમમાં થયેલી ચોરીનો પ્ર.નગર પોલીસે ભેદ ઉકેલી એમ.પી.ના ગોરધનલાલ અને કૃષ્ણનંદલાલને દબોચ્યા

રાજકોટ તા.૧૩ : યાજ્ઞીક રોડ પર આવેલ એડયુલીવ મેન્સવેર સીલેકશનમાં ચાર દિવસ પહેલા દોઢલાખના કપડાની થયેલી ચોરીનો પ્ર.નગર પોલીસે ભેદ ઉકેલી નાખી મધ્યપ્રદેશના બે શખ્સોને પકડી લીધા હતા.

મળતી વિગત મુજબ પોલીસ કમિશનર અનુપમસિંહ ગહલોત તથા જોઇન્ટ કમિશનર ભટ્ટ તથા ડીસીપી કરણરાજ વાઘેલા તથા એસીપી હર્ષદ મહેતાની સુચનાથી પ્ર.નગર પોલીસ મથકના ઇન્ચાર્જ પી.આઇ. પી.બી.સાપરાના માર્ગદર્શન હેઠળ ડી સ્ટાફના પી.એસ.આઇ. એમ.જ.ેરાઠોડ, અને એએસઆઇ સુરેશભાઇ જોગરાણા, હેડ કોન્સ. દેવશીભાઇ ખાંભલા, અજીતસિંહ પરમાર, અરવિંદભાઇ મકવાણા, જયદેવભાઇ ધોળકીયા, પ્રદિપસિંહ ગોહીલ, હેમેન્દ્રભાઇ વાઘીયા તથા મનજીભાઇ ડાંગર સહિત પેટ્રોલીંગમાં હતા ત્યારે મોટી ટાંકી ચોક પાસે બે શખ્સોને શંકાના આધારે રોકી તલાશી લેતા બંને પાસેથી  એક થેલો અને બે બેગમાં તલાશી લેતા નવ જીન્સ અને ર૦ જેટલા શર્ટ મળી આવ્યા હતા બંનેની પુછપરછ કરતા બંનેએ ચાર દિવસ પહેલા યાજ્ઞીક રોડ પર એકસકલુઝીવ સેન્સવેર સીલેકશન નામના શોરૂમમાંથી ચોર્યાની કબુલાત આપતા પોલીસે બંનેની ધરપકડ કરી હતી. દોઢ લાખનું દેણું થતા શોરૂમમાં કપડાની ચોરી કરી વેંચી નાખવાનો બંનેનો ઇરાદો હતો બંને મધ્યપ્રદેશ ભાગે તે પહેલાજ પ્ર.નગર પોલીસે પકડી લીધા હતા આ. બંનેને રીમાન્ડની માંગણી સાથે કોર્ટમાં રજુ કરાશે.

જયારે બીજા બનાવામાં પ્ર.નગર પોલીસના ઇન્ચાર્જ પી.આઇ.પી.બી. સાપરાના માર્ગદર્શન હેઠળ ડી સ્ટાફે પેટ્રોલીંગ દરમ્યાન અરવિંદભાઇ તથા અજીતસિંહને મળેલ બાતમીના આધારે શ્યામ ઉર્ફે સામત નારણભાઇ ડાભી (ઉ.૩૬) (રે. સહકાર મેઇન રોડ, ત્રીશુલ ચોક પીપળીયા હોલ પાસે) ને જીજે-૧એ વી.૭૦ર કિંમત રૂ. રપ૦૦૦ની ચોરાઉ રીક્ષા સાથે પકડી લીધો હતો. આ અંગે પોલીસે વધુ તપાસ આદરી છે.

(4:14 pm IST)
  • મધ્યપ્રદેશમાં પણ ભારે વરસાદ સાથે બરફના કરા વરસ્યા : વીજળી ત્રાટકતા ૪ના મોત, ૭ ઘાયલ : ભોપાલ - ગ્વાલિયર - નરસિંહપુર, ડબરાભીંડ અને ઓચ્છામાં વરસાદઃ ભારે વરસાદ સાથે બરફના કરાનો વરસાદઃ ખેડૂતો ભારે ચિંતામાં access_time 12:36 pm IST

  • શ્રીનગરના કરન નગર વિસ્તારના બિલ્ડીંગમાં છુપાયેલા ત્રાસવાદીઓ અને સલામતી દળો વચ્ચે સવારથી ફરી એન્કાઉન્ટર શરૂ : જમ્મુના રાઈપુર દોમાના વિસ્તારમાં સલામતી દળો દ્વારા સર્ચ ઓપરેશન પૂરજોશમાં ચાલુ : હેલીકોપ્ટરની મદદ લેવાઈ access_time 11:38 am IST

  • કચ્છના દરિયામાંથી વધુ એક પાકિસ્તાની બોટ ઝબ્બેઃ ભારતીય જળ સીમામાંથી પાકિસ્તાનના ૭ માછીમારો સાથે અલ હિલાલ નામની પાકિસ્તાની બોટ કોસ્ટગાર્ડે લીધી છે access_time 3:42 pm IST