Gujarati News

Gujarati News

News of Tuesday, 13th February 2018

બેભાન હાલતમાં બે મહિલા અને આધેડે દમ તોડ્યો

ચુનારાવાડના અર્જુનભાઇ, વેલનાથના ચંદ્રાવતિબેન અને કિટીપરાના નિરૂબેનનું સિવિલ હોસ્પિટલમાં મૃત્યુ

રાજકોટ તા. ૧૩:ચુનારાવાડ-૧માં રહેતાં મુળ યુ.પી.ના અર્જુનભાઇ સાધુભાઇ નિશાદ (ઉ.૪૫)ને બિમારી હોઇ રાત્રે ઘરે બેભાન થઇ જતાં સિવિલ હોસ્પિટલમાં ખસેડાયા હતાં. પરંતુ મોત નિપજ્યું હતું. મૃતક ઇમિટેશનનું કામ કરતાં હતાં. સંતાનમાં એક પુત્રી છે. પોતે બે ભાઇ અને છ બહેનમાં વચેટ હતાં. થોરાળાના એએસઆઇ બી. જે. જાડેજાએ જરૂરી કાર્યવાહી કરી હતી.

બીજા બનાવમાં કોઠારીયા રોડ વેલનાથ સોસાયટીમાં રહેતાં ચંદ્રાવતીબેન સુરેશભાઇ યાદવ (ઉ.૪૭) ઘરે બેભાન થઇ જતાં સિવિલમાં ખસેડાયા હતાં. પરંતુ મોત નિપજ્યું હતું. આજીડેમ પોલીસ મથકના રાજેશભાઇ મેરએ જરૂરી કાર્યવાહી કરી હતી.

ત્રીજા બનાવમાં કીટીપરા ગાયકવાડી-૫માં રહેતાં નિરૂબેન કલ્પેશભાઇ રાઠોડ (ઉ.૩૫) ટીબીની બિમારીથી બેભાન થઇજતાં સિવિલમાં ખસેડાયા હતાં. પરંતુ અહિ મોત નિપજતાં પરિવારમાં શોક છવાઇ ગયો હતો. પ્ર.નગરના એએસઆઇ તૃષાબેન આર. પટેલે જરૂરી કાર્યવાહી કરી હતી. (૧૪.૮)

(12:53 pm IST)
  • છત્તીસગઢની રમણસિંઘ ભાજપ સરકાર માટે રાહતના સમાચારઃ વીઆઈપીઓ માટે ઓગષ્ટા હેલીકોપ્ટરની ખરીદીમાં ભ્રષ્ટાચાર અંગે તપાસની માંગણી કરતી એક જાહેર હિતની અરજી સુપ્રિમ કોર્ટે રદબાતલ કરી છે : આ પીઆઈએલ (પબ્લિક ઈન્ટરેસ્ટ લીટીગેશન) દ્વારા છત્તીસગઢના મુખ્યમંત્રી રમણસિંઘના પુત્રના વિદેશી બેન્ક ખાતાઓમાં ઠલવાયેલ નાણા સંદર્ભે તપાસની માંગણી થયેલ access_time 11:38 am IST

  • મેજર આદિત્ય સામે ગુનાહિત કાર્યવાહી પર સુપ્રિમના મનાઈ હુકમ અને FIR ઉપર ટીપ્પણી બાદ સુબ્રમણ્યમ સ્વામીએ કહ્યું, સંરક્ષણ પ્રધાન નિર્મલા સીતારમણનું રાજીનામુ માગી લેવુ જોઈએ access_time 12:37 pm IST

  • યુનોની સુરક્ષા સમિતિએ (યુએનએસસીએ) ત્રાસવાદી સંસ્થાઓ ઉપરના પ્રતિબંધોને મંજૂરીની મહોર મારી: અલ કાઈદા, તેહરી કે તાલીબાન પાકિસ્તાન, લશ્કર એ જહાન્વી, જમાત - ઉદ્દ - દવા (જેયુડી), ફલાહ - એ - ઈન્સાનીયત ફાઉન્ડેશન (એફઆઈએફ), લશ્કર-એ-તૈયબા (એલઈટી) અને બીજા ત્રાસવાદી સંસ્થાઓનો સમાવેશ થાય છે access_time 11:37 am IST