Gujarati News

Gujarati News

News of Tuesday, 13th February 2018

ઝુલેલાલનગરના રિંકેશને મજા નહોતી આવતી એટલે એસિડ ગટગટાવી ગયો!

લાખાજી રાજ રોડ પર વિશ્વકર્મા મંદિર પાસે બનાવઃ સિંધી યુવાન સારવાર હેઠળ

રાજકોટ તા. ૧૩: જંકશન પ્લોટ ઝુલેલાલનગર મેઇન રોડ પર ઝુલેલાલ મંદિર પાસે રહેતાં રિંકેશ વાસુદેવભાઇ જેસાણી (ઉ.૩૪) નામના સિંધી યુવાને સર લાખાજી રાજ રોડ પર વિશ્વકર્મા મંદિર પાસે સાંજે એસિડ પી લેતાં સારવાર માટે  સિવિલ હોસ્પિટલમાં ખસેડાયો હતો.

 

રિંકેશ સવારે ભાનમાં આવતાં એસિડ પીવાનું કારણ પુછવામાં આવતાં તેણે કહ્યું હતું કે-કયાંય મજા નહોતી આવતી, કંટાળો આવતો હતો એટલે પી ગયો હતો! આ યુવાન બે ભાઇમાં નાનો અને અપરિણીત છે. તે સર લાખાજી રાજ રોડ પર આવેલી ઓમ સિલેકશન નામની કપડાની દૂકાનમાં કામ કરે છે. ત્યાંથી બહાર નીકળી રોડ પર એસિડ પી જતાં દૂકાન માલિકને જાણ થતાં હોસ્પિટલે ખસેડી તેના પરિવારજનોને જાણ કરી હતી. હોસ્પિટલ ચોકીના સ્ટાફે એ-ડિવીઝનમાં એન્ટ્રી નોંધાવી હતી.

કુંવરબેન ઘેનની વધુ  પડતી ગોળી પી ગયા

ભોમેશ્વર મંદિર પાસે રહેતાં કુંવરબેન બાબુભાઇ ગઢવી (ઉ.૫૦) ઘેનની વધુ પડતી દવા પી જતાં ઝેરી અસર થતાં સારવાર માટે સિવિલ હોસ્પિટલમાં ખસેડાતાં ગાંધીગ્રામ પોલીસને જાણ કરાઇ હતી. (૧૪.૫)

(10:36 am IST)
  • ત્રિપુરામાં ચૂંટણી પ્રચાર બાદ દક્ષિણનો કિલ્લો કર્ણાટકમાં વડાપ્રધાન મોદી અને અમિતભાઇ શાહ ઘૂમી વળશે :કોંગ્રેસ પાસેથી કર્ણાટક છીનવવા કરશે કવાયત :મોદી અને શાહના કરિશ્માથી પ્રચાર અભિયાન આગળ ધપાવી કર્ણાટક કરશે કબ્જે access_time 11:26 pm IST

  • હરિયાણામાં જાટો ઉપર થયેલ કેસો પાછા ખેંચવા થયેલ સમજૂતી : ગુજરાતમાં પાટીદારો સામે કયારે? :ચંદીગઢ : અખિલ ભારતીય જાટ અનામત સંઘર્ષ સમિતિ અને હરિયાણા સરકાર વચ્ચે સમજૂતી સઘાઈ ગઈ છે : હરિયાણા સરકારે જાટ આંદોલનકારીયો ઉપર દાખલ કરાયેલ બધા કેસો પાછા ખેંચવાની વાત માની લીધી હોવાનું રાજસ્થાન પત્રિકા નોંધે છે access_time 3:39 pm IST

  • ‘બિગ બોસ 11’ની વિનર શિલ્પા શિંદે ફરી એકવાર ચર્ચામાં આવી છે. મીડિયા રિપોર્ટ્સ અનુસાર તેણે ‘ભાભી જી ઘર પર હૈ’ના પ્રોડ્યૂસર સામે કરેલો યૌન શોષણનો કેસ પાછો ખેંચી લીધો છે. તેણે ગત વર્ષે માર્ચમાં આ કેસ નોંધાવ્યો હતો. એક વેબસાઈટને આપેલા નિવેદન અનુસાર, શિલ્પાનું કહેવું છે કે, શોમાં મારા જે પૈસા બાકી હતા તે મને મળી ગયા છે એટલે હવે કેસ આગળ વધારીને કોઈ ફાયદો નથી. access_time 1:31 am IST